حالىقارالىق زاعيپتار كۇنىنە وراي شىمكەنت قالاسى مادەنيەت جانە تىلدەردى دامىتۋ باسقارماسىنىڭ جانە شىمكەنت قالاسى كوزى كورمەيتىن جانە ءالسىز كورەتىن ازاماتتارعا ارنالعان ارنايى كىتاپحاناسىنىڭ ۇيىمداستىرۋىمەن «شامShyraq» قالالىق فەستيۆالى ءوز مارەسىنە جەتتى.

ەكى كۇنگە ۇلاسقان مەرەكە جوعارى دەڭگەيدە ۇيىمداستىرىلىپ، ومىرگە قۇشتار جانداردى ءبىر مارقايتىپ تاستادى.

3 نوميناسيا بويىنشا ونەرپازدار سايىسقا ءتۇسىپ جەڭىمپازدار انىقتالىپ، اقشالاي سىيلىقتار تابىس ەتىلدى.

بۇدان بولەك، «تاۋەلسىزدىككە تاعزىم!» زاعيپ وقىرماندارمەن اتقارىلعان جۇمىستار، كورمەسى؛
—«رۋحتى جاڭعىرتۋ، پارىزىمىز» قر-نىڭ 30 جىلدىعىنا ارنالىپ شىعارىلعان تاكتيلدى كىتاپتار تۇساۋكەسەرى؛
— «ساۋساق ۇشىنداعى الەم» زاعيپتارعا ارنالعان ارنايى شاحمات جانە شاشكى بويىنشا سپورت سايىسى؛
—«اتادان وسيەت...» كورمەسىنە شولۋ (سازدى بالشىقتان جاسالىنعان ءتۇرلى بۇيىمدار، كونە مۋزىكالىق اسپاپتار). ەتنومۇراجاي ديرەكتورى قارابدالوۆ كەندەباي ابجاپپارۇلىمەن جۇزدەسۋ؛

—«ادەبيەت پەن ونەردىڭ شۇعىلاسى» جەرگىلىكتى اقىندار-جازۋشىلار، ايتىسكەرلەر، انشىلەر، كومپوزيتورلارمەن كەزدەسۋ؛

—«ىزگىلىك مەكەنىندەگى اشىق الاڭ» جاس تىلشىلەر، بلوگەرلەرمەن سۇحبات جانە الماتى قالاسىنان كەلگەن SATR.kz كومپانياسىنىڭ زاعيپ جاندارعا ارنالعان اۆتوماتتاندىرىلعان قۇرىلعىلارىمەن تانىستىرۋ بولدى.

وسىناۋ كەشتى جوعارى دەڭگەيدە وتىلۋىنە ات سالىسقان كورمە ورتالىعىنا العىس ايتامىز.