اباي اۋدانىندا 34 ەلدىمەكەننىڭ 24ء-ى ساپالى اۋىز سۋمەن قامتىلىپ، ول 71% قۇراپ وتىر. 10 ەلدىمەكەننىڭ 5ء-ى ۇڭعىما سۋىن پايدالانادى (جاڭاتالاپ، يگىلىك، تاۋەلسىزدىككە – 20 جىل، كوكبۇلاق، قىزىلجار). وتكەن جىلى ساپالى اۋىز سۋمەن قامتۋ ءۇشىن قارجى قارالىپ، قۇرىلىس جۇمىستارى جۇرگىزىلدى.

بۇل جونىندە اباي اۋدانى اكىمى ب. پارمانوۆ، م. ايتەنوۆتىڭ قاتىسۋىمەن وتكەن 9 ايدىڭ ەسەبى جيىنىندا بايانداپ ءوتتى.

قالعان 5 ەلدىمەكەن (ىنتىماق-2، ىنتىماق-2 باتىس، نۇرشۋاق، اگروفيرما قاراسۋ، جاڭاتالاپ جاڭاقۇرىلىس) اپتاسىنا 2 رەت ءار ۇيگە 400 ليتردەن سۋ تاسىمالدانۋدا. ىنتىماق-2، ىنتىماق-2 باتىس، نۇرشۋاق شاعىن اۋداندارىندا قۇرىلىس جۇمىستارى ءجۇرىپ، بۇگىندە 98 پايىزى اياقتالدى.

كومەشبۇلاق سۋ كوزىنەن ق.تولەمەتوۆ كوشەسىنە دەيىنگى ماگيسترالدىق سۋ قۇبىرىنىڭ قۇرىلىسى جىل سوڭىنا دەيىن اياقتالادى. ناتيجەسىندە جاڭاتالاپ، يگىلىك، تاۋەلسىزدىككە – 20 جىل، كوكبۇلاق، قىزىلجار، ىنتىماق-2، ىنتىماق-2 باتىس، نۇرشۋاق شاعىن اۋداندارى ساپالى اۋىز سۋمەن تولىق قامتىلاتىن بولادى.

اقتاس-2 تۇرعىن الابىنىڭ اۋىز سۋ جۇيەلەرىندەگى قۇرىلىس جۇمىستارىن مەردىگەر «قۇرىلىس ت ي ك» جۇرگىزۋدە. قۇرىلىستىڭ 98 پايىزى اياقتالعان. جىل سوڭىنا دەيىن تولىعىمەن تۇرعىندار يگىلىگىنە بەرىلەدى.

قۇرساي جانە ارعىماق شاعىن اۋداندارىن ساپالى اۋىز سۋمەن قامتاماسىز ەتۋ ماقساتىندا قارجى قارالىپ، مەردىگەر «رەگوليت» ج ش س تاراپىنان قۇرىلىس جۇمىستارى جۇرگىزىلۋدە. جۇمىستار 2022 جىلعا وتپەلى.

ناتيجەسىندە جىل سوڭىندا اۋداننىڭ اۋىز سۋمەن قامتۋ كورسەتكىشى 93 پايىزدى قۇرايتىن بولادى.