شىمكەنت اكىمى ءال-فارابي اۋدانى قاراسۋ شاعىناۋدانىنداعى №22 ءۇيدىڭ اۋلاسىندا سالىنىپ جاتقان بالالار ويىن الاڭشاسى مەن سپورت الاڭشاسىنا بارىپ، جۇمىس بارىسىمەن تانىستى.

جالپى ءال-فارابي اۋدانىندا 672 كوپقاباتتى ءۇي 400 اۋلاعا بىرىكتىرىلگەن. 2021 جىلى اۋداندا 27 كوپقاباتتى ءۇيدىڭ اۋلاسىندا اباتتاندىرۋ جانە بالالار ويىن الاڭشاسىن ورناتۋ جۇمىسى باستالعان بولاتىن. ونىڭ ىشىندە 14 اۋلا "حالىق قاتىساتىن بيۋدجەت" جوباسى اياسىندا جۇزەگە اسۋدا. توعىز اي كولەمىندە 9 اۋلا اباتتاندىرىلىپ، پايدالانۋعا بەرىلدى.

اۋداندا 37 سپورت الاڭشاسى ورناتىلعان. ونىڭ 18ء-ى وتكەن جىلى جوندەۋدەن وتسە، قالعان 15 سپورت الاڭشاسىن قايتا جوندەۋ ماقساتىندا بيۋدجەتىك ءوتىنىم ۇسىنىلدى.

سونداي-اق، وسى جىلى 31 اشىق سپورت الاڭشاسىن ورناتۋ كوزدەلگەن. ونىڭ 6- دەمەۋشىلەر ەسەبىنەن جۇرگىزىلىپ، بۇگىنگە دەيىن پايدالانۋعا بەرىلدى. ءقازىر 25 جەرگە مەردىگەرلەر اشىق سپورت الاڭشالارىن ورناتۋ جۇمىسىن اتقارۋدا.

ال، اباتتاندىرۋدى قاجەت ەتەتىن 82 اۋلانىڭ جۇمىسى 2022-2023 جىلدارى قولعا الىنادى.

بۇقارالىق سپورت دامۋى بۇل نىسانداردىڭ قول جەتىمدىلىگىندە ەكەنىن ايتقان شاھار باسشىسى، اشىق سپورت الاڭدارىن، workوut ەلەمەنتتەرىن كوبەيتۋ كەرەكتىگىن ايتتى.