ءال-فارابي اۋدانىندا اۋىز سۋ، تابيعي گاز جانە ەلەكتر قۋاتىمەن قامتۋ كورسەتكىشى 99،7% قۇراپ وتىر. اۋدان اكىمى ر.مىڭبايەۆ 9 ايلىق ەسەبىندە شالعاي ەلدى مەكەندەردىڭ ينفراقۇرىلىممەن قامتىلۋ بارىسىن باياندادى.
اۋدانداندعى ينفراقۇرىلىمدى قاجەت ەتەتىن 195ء-شى ورام ەلەكتر جارىعى مەن اۋىز سۋ وتكەن جىلى قامتىلعان بولاتىن. ورامنىڭ جاڭاقۇرىلىس ايماعىنداعى 300 تۇرعىن ۇيگە تابيعي گاز تارتۋ جۇمىسى 2020 جىلى قولعا الىنعان. ءقازىر نىساننىڭ قۇرىلىسى اياقتالىپ، ابونەنتتەۋ شارالارى جۇرگىزىلۋدە.
ينفراقۇرىلىمى تولىق قامتىلماعان ساۋلە شاعىناۋدانى 276-شى ورامدى اۋىز سۋمەن قامتۋ ءۇشىن «اگات» مەردىگەر مەكەمەسىمەن كەلىسىم-شارت تۇزىلگەن. قۇرىلىس جۇمىسى وسى جىلدىڭ ماۋسىم ايىندا باستالعان. ءقازىر قۇرىلىستىڭ 97%-ى اتقارىلىپ، جىل سوڭىنا دەيىن تولىق پايدالانۋعا بەرىلەدى.
شاعىناۋدانعا ەلەكتر جارىعىن «اقسەمسەر-سترويسەرۆيس» ءجشس-ى تارتۋدا. ءقازىر قۇرىلىستىڭ 60 پايىزى اتقارىلعان. پايدالانۋعا بەرۋ مەرزىمى 2022 جىلدىڭ ءىى توقسانىنا جوسپارلانۋدا.
ال تابيعي گازبەن قامتۋ ءۇشىن ىشكى ورامدىق قۇبىر جۇيەسىن تارتۋ جۇمىسىن «حمسۋ شىمكەنت مەليوراسيا» مەكەمەسى جۇرگىزۋدە. قۇرىلىس وسى جىلدى قازان ايىندا باستالىپ، نىسان 2022 جىلعا وتپەلى.
پىكىر قالدىرۋ