ق ر ۇكىمەتىنىڭ بۇگىنگى وتىرىسىندا ەلىمىزدىڭ ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشوۆ حابارلاما جاساپ، اتموسفەرالىق اۋاسى لاستانعان ون قالانى اتاپ ءوتتى. سەلەكتورلىق رەجيمدە وتكەن ۇكىمەت وتىرىسىنا شىمكەنت قالاسىنىڭ اكىمى مۇرات ايتەنوۆ قاتىستى.

قالالار ەكولوگياسىن جاقسارتۋدا «جاسىل قالا» ۇلتتىق جوسپارى شەڭبەرىندە ءىرى ءوندىرىس ورىندارىنىڭ اۋا لاستاۋ دەڭگەيىن تومەندەتۋ، ەلدى مەكەندەرگە تابيعي گاز تارتۋ، شارۋاشىلىق سۋبەكتىلەردى گازعا كوشىرۋ، قوعامدىق كولىكتەردى سۇيىق گازعا كوشىرۋ جۇمىستارى اتقارىلۋدا.

زاڭسىز قوقىس ورىندارىن جويۋ مىندەتى بويىنشا بيىل شىمكەنت قالاسىندا 47 ورىن انىقتالىپ، بەي-بەرەكەت قوقىس ورىندارىن جويۋ جۇمىستارى 100%-عا ورىندالعان. بۇل كورسەتكىش جونىنەن قالامىز رەسپۋبليكادا الدىڭعى قاتاردا.

«اقتاس-1» ەلدى مەكەنىندەگى پوليگون جانىنان قاتتى تۇرمىستىق قالدىقتاردى ەنەرگەتيكالىق كادەگە جاراتۋ كاسىپورنى اشىلماق. «تاسساي-2» ەلدى مەكەنىندەگى كارەر ورنىن قالپىنا كەلتىرۋ جۇمىستارى باستالدى.

بۇرىڭعى قۇرىلىس قالدىقتارى پوليگونىنىڭ ورنىنا اۋماعى 4،48 گا. بولاتىن جاڭا ساياباق سالىندى. «جاسىل بەلدەۋ» قالىپتاستىرۋدا بيىل 155 مىڭنان استام اعاش ەگىلدى. جان باسىنا شاققاندا جاسىل جەلەك قورىن ستاندارتقا سايكەستەندىرۋدە 2025 جىلعا دەيىن جاڭادان 23 گۇلزار اشىلادى. قالانىڭ كوگال اۋماعى 30،25 گەكتارعا ارتادى.

قالانىڭ گيدروجۇيەلەرىن دامىتۋ شەڭبەرىندە جول كارتاسى ازىرلەنىپ، جۇزەگە اسىرىلۋدا. اۋانىڭ لاستانۋ دەڭگەيىن باقىلاۋدا «قازگيدرومەت» ۇيىمىنىڭ 6 ستانسياسى ورناتىلعان. ەكولوگيالىق مونيتورينگ جۇيەسىن جەتىلدىرۋدە بيىل 10 اۋانى اۆتوماتتى باقىلاۋ ستانسيالارى ورناتىلادى.

قالا اكىمى ءماجىلىس قورىتىندىسىمەن قالانىڭ ەكولوگيالىق احۋالىن جاقسارتۋ، ءوندىرىس، قۇرىلىس قالدىقتارىن جويۋ، جاسىل جەلەك قورىن ۇلعايتۋ، تازالىق ساقتاۋدا قوعامدىق سانانى وزگەرتۋ باعىتتارى بويىنشا سالا جەتەكشىلەرىنە ناقتى تاپسىرمالار جۇكتەپ، ولاردىڭ ورىندالۋىن قاتاڭ باقىلاۋدا ۇستايتىنىن ەسكەرتتى.