قاراتاۋ اۋدانىندا جالپى 1632 كاسىپكەرلىك نىسان بار. بيىلعى جىلعى توعىز ايدىڭ قورىتىندىسىمەن اۋدانداعى سالىق ءتۇسىمى بويىنشا مەجەلەنگەن جوسپار 114 پايىزعا ورىندالىپ، بيۋدجەتكە 1،3 ملرد.تەڭگە ارتىق ѳندىرىلگەن.

جەكە تۇلعالاردىڭ مۇلىك سالىعى 199 پايىزعا، جەر سالىعى 89 پايىزعا ورىندالعان. قوسىمشا 1 ملن تەڭگە وزگە كىرىس كوزدەرىنەن تۇسكەن. بۇل تۋرالى قالا باسشىسى م. ايتەنوۆكە اۋدان اكىمى ەسەپ بەرۋ جيىنىندا باياندادى.

وسى مەرزىم ىشىندە اۋداننىڭ ينفراقۇرىلىمدىق جانە كاسىپكەرلىك باعىتتارىنا 26 ملرد. تەڭگە ينۆەستيسيا تارتىلىپ، بيىلعى جوسپار تولىعىمەن ورىندالعان. 132 جوبا ەنگىزىلىپ، 1200 جاڭا جۇمىس ورنى اشىلعان.

مۇرات ايتەنوۆ: «ەكونوميكانىڭ وركەندەۋىنە كاسىپكەرلەردىڭ قوسار ۇلەسى زور، سوندىقتان بيزنەسكە جاعداي جاساۋ كەرەك. قاعازباستىلىقتى بارىنشا قىسقارتىپ، ازاماتتارعا بيزنەسكە ارنالعان مەملەكەتتىك باعدارلامالار تۋرالى ءتۇسىندىرىپ، ينۆەستيسيا تارتۋعا جۇمىس ىستەڭىزدەر»،- دەدى.