قاراتاۋ اۋدانىندا 48 455 تۇرعىن ءۇيدىڭ 72،8% تابيعي گازبەن قامتىلعان. اۋدان اكىمى ا.ءالىقۇلوۆ 9 ايلىق ەسەبىندە قالعان 27،2%-دىڭ قامتىلۋى جونىندە اتقارىلىپ جاتقان جۇمىستاردىڭ بارىسىن مالىمدەدى.

بيىل قايناربۇلاق تۇرعىن الابىنا ماگيسترالدى گاز قۇبىرى تارتىلدى. ءقازىر ەكى ەلدى-مەكەننىڭ ىشكى ورامدىق جۇيەلەرى ءۇشىن «مپك جوبا» مەكەمەسى جوبالاۋ جۇمىسىن جۇرگىزۋدە.

دوستىق، اسار-2 جانە ازات شاعىناۋدانىنىڭ ىشكى جۇيلەرىنىڭ قۇرىلىسى جۋىردا اياقتالعان. اتالعان ەلدى-مەكەندەرگە جىل سوڭىنا دەيىن تابيعي گاز بەرىلۋى جوسپارلانىپ وتىر.

بيىل قۇرىلىسى اياقتالعان ەلدى-مەكەندەرگە تابيعي گاز بەرىلسە، اۋداندا قامتۋ كورسەتكىشى 85% جەتەدى. 2023 جىلى اۋدانداعى گازبەن قامتاماسىز ەتۋگە باعىتتالعان بارلىق قۇرىلىس اياقتالىپ، اۋماقتىڭ كورسەتكىشى 100% جەتپەك.