شىمكەنت قالاسىنىڭ قاراتاۋ اۋدانىندا شاعىناۋداندار مەن شالعايداعى ەلدىمەكەن كوشەلەرىن ورتاشا جوندەۋ، شاعال تاس توسەۋ جۇمىستارى اتقارىلۋدا.

2021 جىلى اۋدان اۋماعىنداعى اقجايىق، ازات، بوزارىق، نۇرتاس، اسار-2، قايتپاس شاعىناۋداندارى مەن سايرام، شاپىراشتى، ورمانشى، مارتوبە، قايناربۇلاق، وتەمىس، تاسكەن، دوستىق، تاسساي تۇرعىن الاپتارىندا ۇزىندىعى 54،4 شاقىرىم 38 كوشەگە ورتاشا جوندەۋ، 34،7 شاقىرىم 37 كوشەگە كۇردەلى جوندەۋ جۇمىستارى جۇرگىزىلۋدە.

قازىرگى ۋاقىتتا اۋداندا جالپى ۇزىندىعى 62 شاقىرىم كوشەلەرگە قارجى قارالىپ، قايناربۇلاق، تاسساي تۇرعىن الاپتارى مەن اسار-2، دوستىق، نۇرتاس، تۇران شاعىناۋداندارىندا شاعال تاس توسەۋ جۇمىستارى جۇزەگە اسىرىلۋدا. قوسىمشا 21 شاقىرىمعا شاعال تاس توسەۋگە ۇسىنىس جولداندى.

سونىمەن قاتار، اۋدان اۋماعىندا شاعىناۋدانداردى ەلەكتر جارىعىمەن قامتۋ جۇمىستارى قولعا الىنعان. اتاپ ايتقاندا، تۇران شاعىناۋدانىندا «ابم بيلدينگ» ج ش س تاراپىنان ەلەكتر جۇيەلەرى قۇرىلىسى 2021 جىلدىڭ قاراشا ايىندا اياقتالادى. تاسساي تۇرعىن الابىندا «ىنتىماق بەس ارىس» ج ش س تاراپىنان 58،2 شاقىرىم جەلى جانە 26 دانا كتپ ورناتىلىپ، قۇرىلىس جۇمىستارى تولىق ورىندالدى. اسار 2 شاعىناۋدانىندا «وجت ترانزيت» ج ش س تاراپىنان بيىل قاراشا ايىندا ابونەنتتەۋ جۇمىستارى باستالادى.
قايناربۇلاق تۇرعىن الابىندا «Turan Energo Group» ج ش س اتقارىپ جاتقان قۇرىلىس جۇمىستارى 2022 جىلعا وتپەلى.

2021 جىلى ەلەكتر جارىعىمەن قامتۋ كورسەتكىشى 93 % قۇرايدى. ال 2022 جىلى اۋدان بويىنشا ەلەكتر جارىعىمەن قامتۋ كورسەتكىشىن 100 %-عا جەتكىزۋ جوسپارلانۋدا.