شىمكەنت قالاسىنىڭ قاراتاۋ اۋدانى بويىنشا 40 360 جەكە تۇرعىن ءۇي (83،3 %) تاۋلىك بويى ساپالى اۋىز سۋمەن قامتىلعان. شاعىناۋدانداردى ساپالى اۋىز سۋمەن قامتۋ ماقساتىندا ءتيىستى جۇمىستار اتقارىلۋدا.

2021 جىلدىڭ 9 ايىنىڭ قورىتىندىسى بويىنشا تۇران شاعىناۋدانىن اۋىزسۋمەن قامتاماسىز ەتۋدە 62،7 شاقىرىم ىشكى ورامدىق اۋىز سۋ جۇيەلەرىنىڭ قۇرىلىسى اياقتالدى. ءقازىر ابونەنتتەۋ جۇمىستارى جۇرگىزىلۋدە.
كومەشبۇلاق سۋ جيناقتاۋشىسىنان تۇران شاعىناۋدانى اينالما جولىنا دەيىنگى ۇزىندىعى 4،48 شاقىرىم سۋاققى قۇرىلىسى مەردىگەر «سارىاعاش-امان» ج ش س تاراپىنان جۇزەگە اسىرىلدى. اتالعان نىسان بيىل قاراشا ايىندا اياقتالادى دەپ كۇتىلۋدە.

ازات شاعىناۋدانىندا ابونەنتتەۋ جۇمىستارى تولىق اياقتالسا، دوستىق تۇرعىن الابىندا قازىرگى تاڭدا ابونەنتتەۋ جۇمىستارى جۇرگىزىلۋدە. 2021 جىلى قۇرىلىس جۇمىستارى اياقتالعان سوڭ اۋىز سۋمەن قامتۋ كورسەتكىشى 91،8 %-عا جەتەدى. ال 2023 جىلى اۋدان بويىنشا اۋىز سۋمەن قامتاماسىز ەتۋ 100 %-دى قۇرايتىن بولادى.

جالپى اۋدان اۋماعىندا 12 400 تۇرعىن ءۇي (25،6 %) ورتالىق كارىز جۇيەسىمەن قامتىلعان. بۇگىندە اسار-2 شاعىناۋدانىندا «مونوليت – ديزاين - 2030» ج ش س، دوستىق شاعىناۋدانىندا «گازوۆوە حوزيايستۆا - شىمكەنتگاز» ج ش س، تاسساي تۇرعىن الابىندا «ريگوليت» ج ش س تاراپىنان كارىز جۇيەلەرىمەن قامتۋ ماقساتىندا قۇرىلىس جۇمىستارى قولعا الىنعان. نىساندار قۇرىلىسى كەلەسى جىلعا وتپەلى.
2022 جىلى قۇرىلىس جۇمىستارى اياقتالعان سوڭ كارىز جۇيەسىمەن قامتۋ كورسەتكىشى 42،7 %-عا جەتەدى دەپ بولجانۋدا.