مەملەكەت باسشىسى بارلىق دەڭگەيدەگى مەملەكەتتىك ورگاندار جەتەكشىلەرىنە ازاماتتاردىڭ سۇرانىسى مەن تالاپ-تىلەكتەرىن مۇقيات قاراپ، جەدەل ءارى ءتيىمدى شەشۋدى تاپسىرعان بولاتىن.

مەملەكەت باسشىسى بارلىق دەڭگەيدەگى مەملەكەتتىك ورگاندار جەتەكشىلەرىنە ازاماتتاردىڭ سۇرانىسى مەن تالاپ-تىلەكتەرىن مۇقيات قاراپ، جەدەل ءارى ءتيىمدى شەشۋدى تاپسىرعان بولاتىن.شىمكەنت قالاسىنىڭ اكىمى اي سايىن ازاماتتاردى جەكە ماسەلەلەرى بويىنشا قابىلداۋ وتكىزەدى. قالا باسشىسى مۇرات ايتەنوۆتىڭ بۇگىن وتكىزگەن ونلاين رەجيمدەگى قوعامدىق قابىلداۋىنا  جازىلعان ازاماتتار وتىنىش-تىلەكتەرىن جەتكىزدى.

شاھار باسشىسىنىڭ قابىلداۋىنا جازىلعان قازىعۇرت شاعىناۋدانىنىڭ تۇرعىنى گ.قاراسايەۆا كوشەنى جارىقتاندىرۋ، تازالىق، ايالدامانى قالىپقا كەلتىرۋ جانە جول ماسەلەسىن قوزعادى. 

قالا اكىمى كوشەلەردى جارىقتاندىرۋدا ءبىرىنشى كەزەكتە الەۋمەتتىك نىساندار ورنالاسقان ورتالىق ماڭىزعا يە كوشەلەردى قامتۋ جوسپارلانعانىن، سوندىقتان ارىستانباب كوشەسىن جارىقتاندىرۋ 2023 جىلعى جوسپارعا ەنەتىنىن ايتتى. وتىرار كوشەسى مەن ارىستانباب كوشەسى قيىلىسىنداعى ايالدامانى وسى ايدا قالىپقا كەلتىرۋ تۋرالى سالا باسشىسىنا ناقتى تاپسىرما بەرىپ، ماسەلەنى ءوز باقىلاۋىنا الدى.

جول ەنىن كەڭەيتۋ تۋرالى ءوتىنىشى ۇيلەردىڭ ورنالاسۋى سەبەبىنەن مۇمكىن ەمەستىگى ايتىلدى. كوشە تازالىعى جونىندە اۋدان اكىمىنە تاپسىرما بەرىپ، تۇرعىنداردى دا تازالىققا جاۋاپكەرشىلىكپەن قاراۋعا شاقىردى. 

ال اقجايىق شاعىناۋدانىنىڭ تۇرعىنى ا.قالدىبەكوۆا مۇمكىندىگى شەكتەۋلى بالالارعا ارنالعان وڭالتۋ ورتالىعىن اشۋ نيەتى بار ەكەنىن ايتىپ، ورتالىقتى سالۋعا جەر تەلىمىن بەرۋ جونىندە ءوتىنىشىن جەتكىزدى. 

قالا اكىمدىگى ينۆەستيسيالىق ىنتىماقتاستىققا ءاردايىم اشىق. جاقسى باستاما. جوبانى ەگجەي-تەگجەيلى تالقىلاۋ ءۇشىن «Shymkent» اكك» باسشىلىعى سىزبەن جەكە كەزدەسەتىن بولادى، - دەپ كورپوراسيا ءتوراعاسىنا تۇرعىنمەن كەزدەسىپ، ينۆەستيسيالىق ساياساتتى ىسكە اسىرۋ ماسەلەلەرى بويىنشا ناقتى تۇسىنىكتەمە بەرۋدى، ناتيجەسى بويىنشا بايانداۋدى تاپسىردى.  جەر، زاڭسىز قۇرىلىس ماسەلەسىمەن كەلگەن ازاماتتارعا دا قالا اكىمى زاڭ تۇرعىسىندا شەشىلۋ جولدارىن ءتۇسىندىرىپ، ءاربىر ماسەلە شەشىمىن تاپقانشا ءوز باقىلاۋىندا بولاتىنىن جەتكىزدى.