2020 جىلدان باستاپ قازاقستاندا تۇرعىن ءۇيدى باسقارۋدىڭ نىساندارى وزگەردى. پاتەر يەلەرى كووپەراتيۆتەرى (پيك) ورنىنا تۇرعىن ءۇيدى باسقارۋدىڭ جاڭا فورمالارى ەنگىزىلدى. ياعني، پيك-تى (كسك) مۇلىك يەلەرى بىرلەستىگى (ميب - وسي) الماستىردى.

وسى ورايدا تۇرعىنداردىڭ بارلىعى ورتاق ۇيلەرىن كۇتىمگە الىپ، جاناشىرلىق تانىتۋى ءتيىس. شاحار تۇرعىندارىنا بۇل تۇرعىدان قولداۋ كورسەتىلىپتە كەلدى. اتاپ ايتقاندا بۇرىنعى كسك-نىڭ ورنىنا مۇلىك يەلەرىنىڭ بىرلەستىگى (ميب) نەمەسە جاي سەرىكتەستىك (جس) ۇعىمى قولدانىسقا ەنگىزىلىپ، كوپ پاتەرلى ۇيلەر بۇگىندە جاڭا فورمامەن باسقارىلۋدا.

جاڭا باسقارۋ فورماسىنىڭ ارتىقشىلىعى، مۇلىك يەلەرىنىڭ بىرلەستىگى (ميب) نەمەسە جاي سەرىكتەستىكتىڭ تۇرعىندار ءۇشىن ءتيىمدى جاعى – كوپ قاباتتى ۇيگە قاتىستى قانداي جۇمىس ىستەلگەنى، قانداي سەرۆيستىك مەكەمەلەردىڭ قىزمەتىن تۇتىنعانى اشىق كورىنەدى. ءار ءۇيدىڭ ءوز ەسەپ-شوتى بولادى، تۇرعىندار جيناعان قارجىنى وزدەرى ماقساتتى تۇردە جۇمساي الادى. جينالعان قارجىنى قايدا جۇمساعانىن ريەۆيزيالىق كوميسسيامەن بىرگە باقىلاۋعا بولادى، سوسىن جۇمىس ناتيجەسى بويىنشا تۇرعىندارعا ەسەپ بەرىلەدى. ميب قۇرىلسا، اۋلاداعى قوقىستى تازارتۋ، قار تازالاۋ نەمەسە جوندەۋ جۇرگىزۋ سەكىلدى جۇمىستاردىڭ قالاي اتقارىلىپ جاتقانى باقىلاۋدا بولماق. ەسەپتى باسقارۋشى بەرەدى. اي سايىن جۇمىستى اتقارعان مەكەمە-فيرمالارعا قىزمەت اقىسى بانك ارقىلى تولەنەدى.

ول ءۇشىن پاتەرلەردىڭ، تۇرعىن ەمەس ءۇي-جايلاردىڭ يەلەرى جالپى كەزدەسۋ وتكىزىپ، ورتاق مۇلىكتى باسقارۋ جانە كۇتىپ-ۇستاۋ بويىنشا ءوز مۇددەلەرىن قورعايتىن ءۇي كەڭەسىنىڭ مۇشەلەرىن سايلايدى. كوندومينيۋم وبەكتىسىن باسقارۋ نىسانى نەمەسە باسقارۋ فورماسىن تاڭداۋ ءۇشىن وسىنداي وكىلەتتى ءۇي كەڭەسىنە بەرەدى. سودان كەيىن ءۇيدى باسقارۋدىڭ ەكى فورماسىنىڭ ءبىرىن تاڭداۋ قاجەت:
* مۇلىك يەلەرىنىڭ بىرلەستىگى – تۇرعىن ەمەس ءۇي-جايداعى پاتەر يەلەرى قۇرعان زاڭدى تۇلعا؛
* جاي سەرىكتەستىك – زاڭدى تۇلعا قۇرماي، پاتەرلەردىڭ جانە تۇرعىن ەمەس ءۇي-جايلاردىڭ بارلىق يەلەرىن تىكەلەي بىرلەسىپ باسقارۋ.
تۇرعىندار ودان ءارى ميب (جس) ءتوراعاسىن، تەكسەرۋ كوميسسياسىنىڭ قۇرامىن سايلايدى. ايتا كەتەيىك، بىرلەستىك ءتوراعاسى كوميسسياعا مۇشە بولا المايدى. اعىمداعى شوتتاعى قارجى كۇندەلىكتى جۇمىستارعا جۇمسالسا، جيناقتاۋ شوتىنداعى قارجى ارقىلى كەيىن تومەن پايىزبەن قوماقتى قارجى نەسيەگە الىپ، مىسالى، ءۇيدى تولىق جوندەۋگە، شاتىرىن اۋىستىرۋعا جۇمساۋعا بولادى.

بۇگىندە شىمكەنت قالاسى بويىنشا 2 كوممۋنالدىق كوپقاباتتى تۇرعىن ۇيدە ميب قۇرىلىپ، 15 كوممۋنالدىق كوپقاباتتى تۇرعىن ۇيدە ميب قۇرۋ بويىنشا ءتۇسىندىرۋ جۇمىستارى جۇرگىزىلىپ، ءتيىستى قۇجاتتارى دايىندالۋدا.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى