شىمكەنت قالاسىندا اۋىل شارۋاشىلىعى جانە ۆەتەريناريا باسقارماسىنىڭ ۇيىمداستىرۋىمەن «قاجىمۇقان» اتىنداعى ورتالىق ستاديونىندا جارمەڭكە ءوتتى.

جارمەڭكەنىڭ نەگىزگى ماقساتى – الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ، حالىقتى ءتيىمدى باعاداعى قولجەتىمدى ازىق-تۇلىكپەن قامتاماسىز ەتۋ جانە دەلدالدىق قىزمەتتى شەكتەۋ بولىپ تابىلادى.

جارمەڭكەگە جالپى 200-دەن استام قالا كاسىپكەرلەرى جانە 50-دەن استام تۇركىستان وبلىسىنىڭ تاۋار وندىرۋشىلەرى قاتىسىپ، قالا تۇرعىندارىنا ساپالى جانە نارىق باعاسىنان 10-15 پايىزعا تومەن باعادا ازىق-تۇلىك ونىمدەرى ساتىلدى.

سونىمەن قاتار، تۇركىستان وبلىسىنىنا قاراستى تۇلكىباس، تولەبي، وتىرار، قازىعۇرت، سارىاعاش، ورداباسى، بايدىبەك جانە شاردارا اۋداندارىنىڭ جەكە كاسىپكەرلەرى قالا تۇرعىندارىنا 6 توننا ەت، 3 توننا ءسۇت ونىمدەرى، 15 توننا كارتوپ، 7 توننا جەمىس-جيدەك، 4 توننا قىزاناق، 2 توننا قيار مەن جەمىس شىرىندارىن ۇسىندى.

ايتا كەتەيىك، جارمەڭكە بارىسىندا كارانتين تالاپتارى قاتاڭ ساقتالىپ، دەزينفەكسيالىق وتكەلدەر ورنالاستىرىلىپ، توتەنشە جاعداي، جەدەل جاردەم، ءورت ءسوندىرۋ قىزمەتتەرى جۇمىلدىرىلدى.

شىمكەنت قالاسىنىڭ اقپاراتتىق-كوممۋنيكاسيالىق ورتالىعى