اقش 2022 جىلى قىتايدىڭ بەيجىڭ قالاسىندا وتەتىن قىسقى وليمپيادا ويىندارىنا ديپلوماتيالىق تۇردە بويكوت جاريالادى.
اق ءۇي قىتايداعى ادام قۇقىقتارىنا قاتىستى الاڭداۋشىلىققا بايلانىستى ويىندارعا رەسمي دەلەگاسيا جىبەرىلمەيتىنىن ايتتى.
ءبىراق اقش سپورتشىلار جارىسقا قاتىسا الاتىنىن جانە ۇكىمەتتىڭ تولىق قولداۋىنا يە بولاتىنىن ءمالىم ەتتى.
ال جۇڭگو تاراپى بويكوت جاريالانعان جاعدايدا "قاتاڭ قارسى شارالاردى" قولداناتىنىن مالىمدەدى.
اق ءۇيدىڭ باسپا ءسوز حاتشىسى دجەن پساكي دۇيسەنبىدە بويكوت جاريالاناتىنىن راستاعان.
"اقش-تىڭ ديپلوماتيالىق نەمەسە رەسمي وكىلدىگى قحر-دىڭ [جۇڭگو حالىق رەسپۋبليكاسىنىڭ] شىڭجاڭداعى ادام قۇقىقتارىن ورەسكەل بۇزۋى مەن قاتىگەزدىگى جاعدايىندا بۇل ويىنداردى ادەتتەگىدەي بيزنەس رەتىندە قاراستىرادى" دەدى ول.
بۇعان دەيىن ۆاشينگتوننىڭ بەيجىڭ وليميپياداسىنا بويكوت جاريالاماق جوسپارى بار ەكەنى حابارلانعان.
حالىقارالىق ۇيىمدار جانە كوپتەگەن دەموكراتيالىق ەلدەر قىتايدى "شىڭجاڭ اۆتونومياسىندا تۇراتىن ۇيعىر، قازاق سياقتى مۇسىلمان ازشىلىقتارعا گەنوسيد جاسادى" دەپ ايىپتايدى.
سونىمەن قاتار، سوڭعى ۋاقىتتا بەيجىڭنىڭ گونكونگتاعى ساياسي بوستاندىقتاردى باسىپ-جانشۋ ارەكەتىنە قاتىستى دا شيەلەنىس كۇشەيدى.
پىكىر قالدىرۋ