دەنساۋلىق ساقتاۋ ءمينيسترى الەكسەي سوي قازاقستاندا كوروناۆيرۋستىڭ جاڭا شتاممى وميكروننىڭ پايدا بولۋ ىقتيمالدىعىن جوققا شىعارمادى. سونداي-اق ول اۋرۋدىڭ اۋىر اعىمى جاعدايىندا شەكتەۋ شارالارى كۇشەيتىلۋى مۇمكىن ەكەنىن جەتكىزدى.
سوي جاقىندا عانا جەنيەۆادا بولىپ، دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورىمەن كەزدەسكەنىن ءمالىم ەتتى. ايتۋىنشا، سول كەزدە شتاممدى زەرتتەيتىن جۇمىس توبى قۇرىلعان.
– ەڭ باستىسى، ونىڭ پاندەمياعا اينالماۋى. ياعني، ەل ىشىندە تارالۋىن باقىلاۋدا ۇستاۋ ماڭىزدى. مىسالى، "دەلتا" شتاممى دۇنيەجۇزىندە شامامەن 80-90 پايىز تارالعان. قاي جەردە پايدا بولسا، ول ۇستەم جاعدايعا يە بولدى. ءقازىر بۇكىل الەم قاۋىمداستىعىنىڭ مىندەتى – شتاممنىڭ قانشالىقتى جۇقپالى ەكەنىن، ونىڭ قالاي ارەكەت ەتەتىنىن، ونىڭ كلينيكالىق كورىنىستەرىن جانە ادامدار ءۇشىن قانشالىقتى ءقاۋىپتى ەكەنىن باقىلاۋ. ازىرگە ونداي سەنىمدى دەرەكتەر جوق، تەك جەكەلەگەن دەرەكتەر بار، – دەدى ۆەدومستۆو باسشىسى.
الەكسەي سوي قازاقستاندا ۆيرۋستاردىڭ سەكۆەنيرلەنۋى – شتاممنىڭ قاي تۇرىنە جاتاتىنىن، ۆيرۋستاردىڭ قاي ءتۇرى باسىم ەكەنىن انىقتاۋ ءۇشىن مونيتورينگ جۇرگىزىلىپ جاتقانىن اتاپ ءوتتى.
– جاقىن ارادا ءبىز ناقتى قورىتىندىسىن الىپ، ايتامىز. ۆيرۋستىڭ (وميكرون - رەد) بۇل شتاممى قازاقستانعا كەلگەن كۇننىڭ وزىندە ونىڭ تابيعاتىن، تارالۋ ءتاسىلىن ءتۇسىنۋ ماڭىزدى، – دەدى الەكسەي سوي.
سونداي-اق ول قازاقستاندا وميكرون شتاممى پايدا بولعان جاعدايدا جاڭا شەكتەۋلەر ەنگىزىلە مە دەگەن سۇراققا جاۋاپ بەردى.
پىكىر قالدىرۋ