قازگيدرومەت 9-11 جەلتوقسانعا ارنالعان اۋا رايى بولجامىن جاريالادى.

سينوپتيكتەردىڭ دەرەگىنشە، 9 جەلتوقساندا ەل اۋماعىنىڭ باسىم بولىگى جاۋىن-شاشىنسىز كەڭ انتيسيكلوننىڭ ىقپالىندا بولادى. 

تۇندە قازاقستاننىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى 20-25 گرادۋسقا دەيىن، كەي جەرلەردە 30 گرادۋس ايازعا دەيىن تومەندەيدى، 10 جەلتوقساندا شىعىس قازاقستان وبلىسىنىڭ سولتۇستىك-شىعىسىندا 35 گرادۋس ايازعا بولادى دەپ كۇتىلۋدە. 

سونىمەن قاتار ەلدىڭ باتىس وڭىرلەرىنە قارا تەڭىز اۋداندارىنان سيكلون اسەر ەتە باستايدى. الداعى ەكى كۇندە رەسپۋبليكانىڭ شىعىس ايماعىندا جاۋىن-شاشىن (جاڭبىر، قار)، كوكتايعاق، جەل كۇشەيەدى دەپ كۇتىلۋدە. 

ال 11 جەلتوقسان تۇندە رەسپۋبليكانىڭ سولتۇستىگىندە اۋا تەمپەراتۋراسى 5-10 گرادۋسقا، كەي جەرلەردە 15-20 گرادۋسقا، شىعىس قازاقستان وبلىسىنىڭ سولتۇستىك-شىعىسىندا 25 گرادۋسقا دەيىن تومەندەيدى دەپ بولجانادى.