الماتىدا 13-22 جەلتوقسان ارالىعىندا "شاڭىراق" باعىتى بويىنشا 1666 پاتەردى برونداۋ جۇرگىزىلەدى. پاتەرلەر ناۋرىزباي اۋدانىنداعى "الما سيتي-5" ءتۇرعىن-ۇي كەشەنىندە ورنالاسقان. باعدارلاما "وتباسى بانك" اق ارقىلى جۇزەگە اسىرىلادى.

باعدارلاماعا اكىمدىكتىڭ ءۇي كەزەگىندە تۇرعان تومەندەگىدەي ساناتقا جاتاتىن ازاماتتار عانا جىبەرە الادى.

1) مۇگەدەك بالالارى بار نەمەسە ولاردى تاربيەلەپ وتىرعان وتباسىلار؛

2) كوپ بالالى وتباسىلار؛

3) تولىق ەمەس وتباسىلار.

برونداۋ 13 جەلتوقسان ساعات 10:00-دە باستالىپ، 22 جەلتوقسان 23:00-گە دەيىن جالعاسادى.

23 جەلتوقساندى قوسا العاندا 5 جۇمىس كۇنى ارالىعىندا ءوتىنىش بىلدىرۋشىلەردىڭ تولەم قابىلەتتىلىگىن باعالاۋ جۇرەدى.

برونداۋ Otbasybank.kz ينتەرنەت-رەسۋرسىندا قابىلدانادى.

1666 پاتەردىڭ ءتيپى بويىنشا اقپارات تومەندەگىدەي:

• پاتەر ءتۇرى: 1 بولمەلى پاتەر، 58 پاتەر، ەڭ جوعارعى اۋدان 37،8 ش.م.
• پاتەر ءتۇرى: 2 بولمەلى پاتەر، 401 پاتەر، ەڭ جوعارعى اۋدان 57،9 ش.م.
• پاتەر ءتۇرى: 2 بولمەلى پاتەر، 384 پاتەر، ەڭ جوعارعى اۋدان 66،7 ش.م.
• پاتەر ءتۇرى: 3 بولمەلى پاتەر، 623 پاتەر، ەڭ جوعارعى اۋدان 80 ش.م.
• پاتەر ءتۇرى: 3 بولمەلى پاتەر، 200 پاتەر، ەڭ جوعارعى اۋدان 82،8 ش.م.

تۇرعىن ءۇيدىڭ "تازا" ارلەۋدەگى  1 شارشى مەترى 240 000 تەڭگە. ياعني پاتەر قۇنى 9 ملن 72 مىڭ تەڭگە مەن 19 ملن 872 مىڭ تەڭگە ارالىعىندا بولادى.

"شاڭىراق" باعىتى بويىنشا يپوتەكالىق كرەديت جىلىنا 5 پايىزبەن 20 جىلعا دەيىنگى مەرزىمگە بەرىلەدى. العاشقى جارنا ءۇي قۇنىنىڭ 10 پايىزىن قۇراۋعا ءتيىس.