«Nur Otan» ءتوراعاسىنىڭ ءبىرىنشى ورىنباسارى باۋىرجان بايبەك تالدىقورعان قالاسىنا ساپارى بارىسىندا پارتيانىڭ الماتى وبلىستىق فيليالىنىڭ كەزەكتەن تىس كونفەرەنسياسىنا قاتىستى. پارتيا فيليالىنىڭ جاڭا ءتوراعاسى رەتىندە دەلەگاتتار ءوڭىر اكىمى قانات بوزىمبايەۆتى سايلادى.

پارتيا ءتوراعاسى ءبىرىنشى ورىنباسارىنىڭ ايتۋىنشا، قانات بوزىمبايەۆ بۇعان دەيىن جامبىل جانە پاۆلودار وبلىستارىندا پارتيانى تابىستى باسقارعان. فيليال جاڭا باسشىلىعىنىڭ الدىندا پارتيانىڭ سايلاۋالدى مىندەتتەمەلەرىن ودان ءارى ساپالى ورىنداۋ، قوعامدىق كەڭەستەردىڭ جۇمىسىن جانداندىرۋ جانە حالىقپەن كەرى بايلانىستى نىعايتۋ مىندەتتەرى تۇر.

«ساياسي كەڭەستىڭ كەڭەيتىلگەن وتىرىسىندا ەلباسى، پارتيا ليدەرى نۇرسۇلتان نازاربايەۆ ايتقانداي، «قازاقستان تاۋەلسىزدىكتىڭ ءتورتىنشى ونجىلدىعىنا قادام باسۋدا. بۇل اۋقىمدى وزگەرىستەرگە، قيىن دا جاۋاپتى شەشىمدەرگە تولى كەزەڭ بولارى انىق». مۇنداي جاعدايدا بيلەۋشى پارتيا رەتىندە «Nur Otan»-عا ەلدەگى ساباقتاستىق، ساياسي تۇراقتىلىق جانە ودان ءارى دامۋدى قامتاماسىز ەتەتىن ەل پرەزيدەنتى قاسىم-جومارت توقايەۆتىڭ مەملەكەتتىك باعىتى توڭىرەگىندە قوعامدى توپتاستىرۋ جونىندەگى ەرەكشە مىندەت جۇكتەلگەن»، – دەپ اتاپ ءوتتى باۋىرجان بايبەك.

سونداي-اق، ول كونفەرەنسيادا «Nur Otan» ساياسي كەڭەسى بيۋروسىنىڭ شەشىمىمەن «بەلسەندى قىزمەتى ءۇشىن» پارتيالىق ناگراداسىمەن ماراپاتتالعان فيليالدىڭ بۇرىنعى ءتوراعاسى اماندىق باتالوۆقا اتقارعان جۇمىسى ءۇشىن العىس ءبىلدىردى.

وسى كۇنى باۋىرجان بايبەك پارتيانىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن جۇزەگە اسىرۋ اياسىندا اشىلعان ءبىرقاتار الەۋمەتتىك نىسانداردى ارالادى.

ول وبلىستاعى وقۋشىلار سارايىنا بارىپ، وندا 140-تان استام بالاعا 3D جانە ينتەراكتيۆتى مودەلدەردى جاساۋ، باعدارلامالاۋ، قۇراستىرۋ داعدىلارىن ۇيرەنۋگە مۇمكىندىك بەرەتىن جاڭا «FAB LAB» يننوۆاسيالىق زەرتحاناسىنىڭ جۇمىسىمەن تانىستى.

بۇدان سوڭ پارتيا ءتوراعاسىنىڭ ءبىرىنشى ورىنباسارى ايەلدەر كاسىپكەرلىگىن دامىتۋ ورتالىعىنا باردى. وندا ءىسىن جاڭا باستاعان جانە جۇمىس ىستەپ جۇرگەن كاسىپكەر ايەلدەر جەڭىلدىكپەن نەسيە الۋ، ساتۋ نارىعىن كەڭەيتۋ، بيزنەس-جوبالاردى ىسكە اسىرۋدا تاجىريبەلىك كومەك الۋ سياقتى ت.ب. ماسەلەلەر بويىنشا كەڭەس الۋىنا بولادى.

«جالپى، پارتيا سايلاۋالدى باعدارلاماسىن جۇزەگە اسىرۋدىڭ 11 ايداعى قورىتىندىسى بويىنشا وڭىردە 1 ميلليون شارشى مەترگە جۋىق تۇرعىن ءۇي، 12 مەكتەپ پايدالانۋعا بەرىلىپ، 538 كم جول سالىندى جانە جوندەلدى، 27 مىڭ تۇراقتى جۇمىس ورنى اشىلدى جانە ت.ب. وسىنداي جۇمىستاردى پارتيا ەلىمىزدىڭ بارلىق وڭىرلەرىندە جۇرگىزىپ جاتىر»، – دەپ جازدى ول ساپارىنىڭ قورىتىندىسى تۋرالى Facebook-تەگى پاراقشاسىندا.