باتىس ەلدەرى توقايەۆتىڭ "ەسكەرتۋسىز اتۋ" تۋرالى بۇيرىعىن سىنعا الدى. قازاقستاندا العاشىندا بەيبىت شەرۋمەن باستالىپ، سوڭى زورلىق-زومبىلىققا ۇلاسقان كۇردەلى جاعداي تۋرالى باتىس ەلدەرىنىڭ باسىلىمدارى جارىسا جازدى.

BBC پرەزيدەنت قاسىم-جومارت توقاەd الماتىعا 20 مىڭ تەرروريست شابۋىل جاساعانىن مالىمدەگەنىن، بۇلىكشىلەر الماتىنى باسىپ الۋعا ارەكەتتەنگەنىن جانە قالاداعى پوليسيا بەكەتتەرىن باقىلاۋعا الۋعا تىرىسقانىن جازدى. قازاقستان قاۋىپسىزدىك كۇشتەرى ولاردىڭ كوزىن جويعانىن حابارلاعان.

بريتانيالىق The Guardian گازەتىنىڭ اقپاراتىنشا، فرانسيا "ەۋروپانىڭ سىرتقى ىستەر مينيسترلەرى وسى اپتادا قازاقستانداعى جاعدايعا جاۋاپ رەتىندە ىقتيمال شارالاردى قاراستىرادى" دەپ مالىمدەگەن. فرانسيانىڭ ەۋروپا ىستەرى ءمينيسترى كلەمەنت بون CNEWS-كە بەرگەن سۇحباتىندا "[قازاقستان بيلىگى] ەۋروپا قابىلداي الاتىن شارالاردى تالقىلاۋى كەرەك: حالىقتىڭ، نارازىلىق بىلدىرۋشىلەردىڭ، كوتىرىلىسشىلەردىڭ ءومىر ءسۇرۋ قۇنىن تاركى ەتىپ، باسىپ تاستاي المايسىز" دەدى.

اقش مەملەكەتتىك حاتشىسى ەنتوني بلينكەن جەكسەنبى كۇنى قازاقستان پرەزيدەنتىنىڭ نۇسقاۋىن سىنعا الدى. "اتىپ ءولتىرۋ ءتارتىبى، ول قانشالىقتى بولسا دا دۇرىس ەمەس جانە شەشىم جويىلۋى كەرەك. ءبىز جاريالانعان توتەنشە جاعدايعا الاڭدايمىز" دەپ سۇحبات بەرگەن ول ABC News تەلەارناسىنا.

ونىڭ ايتۋىنشا، اقش قازاقستان پرەزيدەنتىنەن نەلىكتەن رەسەيلىك اسكەرلەردىڭ قاتىسۋىن سۇراعانىن ءتۇسىندىرۋدى دە سۇراپ وتىر.

وتكەنجۇما كۇنى توقايەۆ قاتاڭ ۇندەۋ جاريالاپ، الماتىعا 20 000 "بانديتتەر مەن لاڭكەستەر" توبى شابۋىل جاساعانىن مالىمدەپ، قۇقىق قورعاۋ ورگاندارىنا ەسكەرتۋسىز اتۋعا بۇيرىق بەرگەن.