سولتۇستىك كورەيا گيپەردىبىستىق زىمىراندى ۇشىرعاننان كەيىن ءبىر اپتا وتپەي جاتىپ، تاعى ءبىر كۇدىكتى بالليستيكالىق زىمىراندى سىناقتان وتكىزدى.
وڭتۇستىك كورەيا زىمىراننىڭ ۇشىرىلعانىن سەيسەنبى كۇنى جەرگىلىكتى ۋاقىت بويىنشا 07:27-دە انىقتاعانىن حابارلادى.
جاپونيانىڭ جاعالاۋ كۇزەتى دە ۇشىرىلىم تۋرالى حابارلاپ، سولتۇستىك كورەيا "بالليستيكالىق زىمىران ءتارىزدى نىساندى" اتقانىن ايتتى.
"ءبىزدىڭ اسكەريلەر سولتۇستىك كورەيانىڭ قۇرلىقتان شىعىس تەڭىزگە قاراي ۇشىرعان كۇدىكتى بالليستيكالىق زىمىرانىن انىقتادى" دەدى وڭتۇستىك كورەيانىڭ بىرىككەن شتاب باستىعى.
دۇيسەنبىدە اقش، فرانسيا، يرلانديا، جاپونيا، ۇلىبريتانيا جانە البانيا بىرىككەن ۇلتتار ۇيىمىندا پحەنياندى ايىپتاعان بىرلەسكەن مالىمدەمە جاساعان بولاتىن.
