دەنساۋلىق ساقتاۋ مينيسترلىگى 12 قاڭتار كۇنگى ەپيدەميولوگيالىق جاعداي تۋرالى اقپاراتتى جاريالادى.

مينيسترلىك مالىمەتىنشە، وتكەن تاۋلىكتە پتر تەست ارقىلى 9122 ادامنان كوروناۆيرۋس، 61 ادامنان پنيەۆمونيا انىقتالعان. 11 قاڭتاردا 3 ادام كوروناۆيرۋستان كوز جۇمعان.

13 قاڭتارداعى مالىمەت بويىنشا، 35 710 ادام كوروناۆيرۋس ينفەكسياسىنان ەمدەلۋدە، ولاردىڭ ىشىندە 3 888 پاسيەنت ستاسيوناردا، 31 822 ناۋقاس امبۋلاتوريالىق دەڭگەيدە ەم قابىلداۋدا.

ىندەتكە شالدىققاندار اراسىندا 206 ادامنىڭ جاعدايى اۋىر، 62 پاسيەنتتىڭ جاعدايى وتە اۋىر، 38 ناۋقاس ءوجج اپپاراتىندا جاتىر.

قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان، الماتى، شىمكەنت قالالارى جانە اتىراۋ، اقتوبە ماڭعىستاۋ، قاراعاندى، قىزىلوردا وبلىستارى "قىزىل" ايماقتا.

اقمولا، باتىس قازاقستان، پاۆلودار، قوستاناي وبلىستارى "سارى" ايماقتا.

"جاسىل" ايماقتا: الماتى، تۇركىستان، جامبىل، سولتۇستىك قازاقستان وبلىسى، شىعىس قازاقستان وبلىستارى.

12 قاڭتارداعى مالىمەت بويىنشا 9 037 214 ادام ۆاكسينانىڭ I كومپونەنتىن، 8 585 758 ادام II كومپونەنتىن سالدىرعان.