Halyk Bank ءوز قاراجاتىنان 3 ملرد تەڭگە باعىتتايدى. بۇل قاراجاتتى شاعىن جانە ميكرو بيزنەس سەكتورىنداعى زارداپ شەككەن كاسىپكەرلەرگە كومەك رەتىندە، سونداي-اق قيراعان نىسانداردى تەز ارادا قالپىنا كەلتىرۋ جانە شۇعىل شەشىمدى تالاپ ەتەتىن باسقا دا مىندەتتەرگە جۇمسالادى.
بۇعان دەيىن Halyk Bank باسشىسى ءۇمىت شاياحمەتوۆا Atameken Business تەلەارناسىندا بەرگەن سۇحباتىندا تەرروريستىك شابۋىل جانە جاپپاي تارتىپسىزدىكتىڭ جويقىن سالدارىن جەڭۋگە كومەكتەسۋگە دايىن ەكەنىن ايتقان بولاتىن.
– مەنىڭ ويىمشا، قازىرگى جاعدايدا كۇشىمىز بىرلىكتە. كەز كەلگەن قيىندىق، كەز كەلگەن جاۋعا قارسى تۇرۋىمىز كەرەك. مەن ءوز ەلىمدى وتە جاقسى كورەمىن جانە ءاربىرىمىز قولىمىزدان كەلگەنشە كومەك بەرىپ، جاقسىلىقتىڭ جارشىسى بولۋىمىز قاجەت. وسى قيىن-قىستاۋ كۇندەردە بارلىعى بەيبىت ءومىردىڭ وتە نازىك ەكەنىن جانە ەڭ باستى قۇندىلىعىمىز - ادام ءومىرى مەن دەنساۋلىعى ەكەنىن سەزىندىك. سوندىقتان، بارشاڭىزعا مەن ءاردايىم بەيبىتشىلىك، دەنساۋلىق، تىنىشتىق جانە جاقسىلىق تىلەيمىن، – دەپ اتاپ ءوتتى ءۇمىت شاياحمەتوۆا.
پىكىر قالدىرۋ