قتج – جۇك تاسىمالى باس ديرەكتورىنىڭ ەكونوميكا جانە قارجى جونىندەگى ورىنباسارى ءالجان يماشيەۆ قىزمەتىنەن كەتتى.
ءالجان يماشيەۆ – قازاقستان ورتالىق سايلاۋ كوميسسياسىنىڭ ءتورعاسى بەرىك يماشيەۆتىڭ ۇلى، نۇرالي الييەۆتىڭ ايەلى ايدا يماشيەۆانىڭ ءىنىسى.
نۇرالي الييەۆ ەكس-پرەزيدەنتتىڭ قىزى داريعا نازاربايەۆانىڭ ۇلى.
ەلدەگى جاپپاي تارتىپسىزدىككە ۇلاسقان حالىق نارازىلىعى كەزىندە قاۋىپسىزدىك كەڭەسى پرەزيدەنتكە وتكەلى قازاقستاننىڭ ەكس-پرەزيدەنتى نۇرسۇلتان نازاربايەۆتىڭ جاقىن ادامدارى قىزمەتتەن شەتتەتىلىپ جاتىر.
كەشە نازاربايەۆتىڭ ورتانشى كۇيەۋ بالاسى تيمۋر قۇلىبايەۆ "اتامەكەن" ۇلتتىق كاسىپكەرلەر پالاتاسى ءتوراعاسى قىزمەتىنەن كەتتى.
سونداي-اق كەشە پرەزيدەنت قاسىم-جومارت توقايەۆ نازاربايەۆتىڭ نەمەرە ءىنىسى سامات ءابىشتى ۇقك ءتوراعاسىنىڭ ءبىرىنشى ورىنباسارى قىزمەتىنەن بوساتتى.
15 قاڭتاردا نازاربايەۆتىڭ تاعى ەكى كۇيەۋ بالاسى – "قازترانسويل" اق باسقارما ءتوراعاسى ديماش دوسانوۆ پەن "قازترانسگاز" ۇك" اق باسقارما ءتوراعاسى قايرات شارىپبايەۆ قىزمەتتەرىنەن بوساتىلعان.
ديماش دوسانوۆ – قازاقستاننىڭ بۇرىنعى پرەزيدەنتى نۇرسۇلتان نازاربايەۆتىڭ كىشى قىزى ءاليا نازاربايەۆانىڭ، ال قايرات شارىپبايەۆ – ۇلكەن قىزى داريعا نازاربايەۆانىڭ كۇيەۋى.
پىكىر قالدىرۋ