دەنساۋلىق ساقتاۋ ءمينيسترى اجار عينيات قازاقستاندا لوكداۋن ەنگىزىلمەيتىنىن مالىمدەدى.
ونىڭ ايتۋىنشا، الداعى ۋاقىتتا شەكتەۋ شارالارى وڭىرلەردەگى ەپيدەميولوگيالىق جاعدايعا بايلانىستى قولدانىلماق.
– بۇگىندە ەل اۋقىمىندا لوكداۋن ەنگىزۋ جوسپارلانعان جوق. ءبىز قولدانىپ وتىرعان بارلىق شەكتەۋ شارالارى دەنساۋلىق ساقتاۋ جۇيەسىنە جۇكتەمەنى ازايتۋعا، كوروناۆيرۋستىق ينفەكسيادان بولاتىن ءولىم-جىتىمدى ازايتۋعا، دەنساۋلىق ساقتاۋ جۇيەسىنىڭ قىزىپ كەتۋىنە جول بەرمەۋگە باعىتتالعان، ال شۇعىل كومەك بارلىق حالىققا قولجەتىمدى، – دەدى اجار عينيات.
مينيستر ەلدە "وميكرون" شتامى تەز تارالىپ جاتقانىن جانە بۇگىندە تۇركىستان وبلىسىن قوسپاعاندا، بارلىق ءوڭىر "قىزىل" ايماقتا تۇرعانىن اتاپ ءوتتى.
– سوڭعى ايدا ءولىم سانى 2-2،5 ەسە ازايدى. ءوسۋ ءۇردىسى جوق. سوڭعى ايدا ستاسيونارلاردا ەم الاتىن پاسيەنتتەر سانى 2 ەسەگە، امبۋلاتوريالىق دەڭگەيدە 5 ەسەگە ارتتى، – دەدى ول.
پىكىر قالدىرۋ