نۇرلان ءماجيت ۇلى ءابدىروۆ قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى بولىپ تاعايىندالدى. بۇل تۋرالى اقوردا سايتى حابارلادى.

"مەملەكەت باسشىسىنىڭ جارلىعىمەن نۇرلان ءماجيت ۇلى ءابدىروۆ قازاقستان رەسپۋبليكاسى ورتالىق سايلاۋ كوميسسياسىنىڭ ءتوراعاسى لاۋازىمىنا تاعايىندالدى" دەلىنگەن قاۋلىدا.

بۇعان دەيىن اتالعان قىزمەتتى بەرىك يماشيەۆ اتقارعان بولاتىن.

ءابدىروۆ نۇرلان ءماجيت ۇلى 1961 جىلى 12 قاڭتاردا قاراعاندى وبلىسى شەت اۋدانىنىڭ اقسۋ-ايۋلى اۋىلىندا تۋعان. كسرو ءىىم قاراعاندى جوعارى مەكتەبىن بىتىرگەن. زاڭ عىلىمدارىنىڭ دوكتورى، پروفەسسور.

1982-1984 جىلدارى – كسرو ءىىم قاراعاندى جوعارى مەكتەبىنىڭ وقىتۋشىسى بولىپ جۇمىس ىستەگەن.

1987-1997 جىلدارى – ق ر ءىىم قاراعاندى جوعارى مەكتەبىنىڭ وقىتۋشىسى، اعا وقىتۋشىسى، دوسەنت، قىلمىستىق قۇقىق جانە كريمينولوگيا كافەدراسى باستىعىنىڭ ورىنباسارى.

2001-2002 جىلدارى – ق ر ادىلەت مينيسترلىگى ناشاقورلىققا جانە ەسىرتكى بيزنەسىنە قارسى كۇرەس كوميتەتى ءتوراعاسىنىڭ ورىنباسارى.

2002-2005 جىلدارى – ق ر قاۋىپسىزدىك كەڭەسى حاتشىلىعىنىڭ سەكتور مەڭگەرۋشىسى، مەملەكەتتىك ينسپەكتور، قوعامدىق جانە ەكولوگيالىق قاۋىپسىزدىك ءبولىمىنىڭ مەڭگەرۋشىسى، ق ر قاۋىپسىزدىك كەڭەسى حاتشىلىعى مەڭگەرۋشىسىنىڭ ورىنباسارى.

2005-2009 جىلدارى – ق ر قاۋىپسىزدىك كەڭەسى حاتشىسىنىڭ ورىنباسارى - ق ر قاۋىپسىزدىك كەڭەسى حاتشىلىعىنىڭ مەڭگەرۋشىسى.

2009-2011 جىلدارى – ءتورتىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.

2012 جىلعى 20 قاڭتاردان باستاپ – بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى.

2016 جىلعى 25 ناۋرىزدان باستاپ – التىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، زاڭناما جونە سوت-قۇقىقتىق رەفورما كوميتەتىنىڭ ءتوراعاسى.