نۇر-سۇلتان قالاسى پوليسيا دەپارتامەنتىنىڭ باستىعى لاۋازىمىنا مارات تولەبايەۆ تاعايىندالدى. بۇل تۋرالى ىشكى ىستەر مينيسترلىگىنىڭ باسپا ءسوز قىزمەتى ءمالىم ەتتى.
بۇعان دەيىن وسى قىزمەتتى ەرجان سادەنوۆ اتقارعان. ول جاقىندا ق ر پرەزيدەنتىنىڭ وكىمىمەن ىشكى ىستەر ءمينيسترىنىڭ ورىنباسارى بولىپ تاعايىندالعان.
مارات ساعىنتاي ۇلى تولەبايەۆ 1969 جىلى تۋعان. ىشكى ىستەر ورگاندارىنداعى قىزمەتىن قوستاناي وبلىسىندا قىلمىستىق ىزدەستىرۋ جەدەل ۋاكىلى لاۋازىمىنان باستاعان.
ءار جىلدارى ەلوردادا پوليسيا دەپارتامەنتىنىڭ بولىمشەلەرىندە باسشىلىق قىزمەتتەردى اتقاردى. قوستاناي وبلىسى جانە نۇر-سۇلتان قالاسى پوليسيا دەپارتامەنتى باستىعىنىڭ ءبىرىنشى ورىنباسارى بولىپ جۇمىس ىستەدى. 2019 جىلدان باستاپ سولتۇستىك قازاقستان وبلىسىنىڭ پوليسيا دەپارتامەنتىن باسقاردى. پوليسيا گەنەرال-مايورى ارنايى اتاعى بار.
پىكىر قالدىرۋ