ءبىلىم جانە عىلىم ۆيسە-مينيسترى قۋانىش ەرعالييەۆ قازاقستاندا العاشقى ونلاين-ۋنيۆەرسيتەتتەر اشىلاتىنىن مالىمدەدى. بۇل تۋرالى ول مينيسترلىكتىڭ وتىرىسىندا ايتتى.
– بعم جوعارى ءبىلىم بەرۋ جۇيەسىنە وقىتۋدىڭ جاڭا قۇرالىن ەنگىزۋدى جوسپارلاپ وتىر. "ونلاين-وقۋ" ءبىلىم الۋدىڭ جاڭا فورماتىنا اينالادى. ەلىمىزدە العاشقى ونلاين-ۋنيۆەرسيتەتتەر اشىلادى. جالپى، جوعارى وقۋ ورىندارىندا ءبىلىم الۋ ءۇشىن گرانتتار سانى 5 مىڭعا ارتادى، ولاردىڭ 60%-ى تەحنيكالىق ماماندىقتار بويىنشا بولىنەدى، – دەدى ۆيسە-مينيستر.
سونداي-اق ول عىلىم سالاسىن تۇراقتى قارجىلاندىرۋ جالعاساتىنىن جانە عالىمدارعا عىلىمي يدەيالارىن جۇزەگە اسىرۋعا جاڭا مۇمكىندىكتەر ۇسىنىلعانىن اتاپ ءوتتى.
ايتۋىنشا، 2000-نان استام عالىمعا العان گرانتتارىنا قاراماستان تۇراقتى تۇردە جالاقى تولەنەتىن بولادى.
پىكىر قالدىرۋ