اقش پرەزيدەنتى دجو بايدەن اقپان ايىندا رەسەي ۋكرايناعا شابۋىل جاساۋ "ىقتيمالدىعى انىق" ەكەنىن ايتتى. بۇل تۋرالى ءال-جازيرا اق ۇيگە سىلتەمە جاساپ حابارلادى.
اقپاراتقا سايكەس، ۆاشينگتون داعدارىستى تالقىلاۋ ءۇشىن بۇۇ قاۋىپسىزدىك كەڭەسىنىڭ اشىق وتىرىسىن وتكىزۋگە ۇمتىلۋدا.
ايتا كەتەيىك، كرەمل نەگىزگى تالاپتارى ناتو تاراپىنان كەزەكتى رەت قابىلدانباعاننان كەيىن داعدارىستى شەشۋدە "وپتيميزمگە نەگىز از" ەكەنىن مالىمدەگەن. مۇنى باتىس ەلدەرى سالماقتى نوتا رەتىنە قابىلداعانى حابارلاندى.
رەسەي شەنەۋنىكتەرى داعدارىستى توقتاتۋ ءۇشىن ديالوگ ءالى دە مۇمكىن ەكەنىن ايتتى، ءبىراق بايدەن ماسكەۋ جاقىن بولاشاقتا ۋكرايناعا باسىپ كىرەتىنىن ايتىپ قاتاڭ ەسكەرتۋ جاسادى.
اق ءۇيدىڭ جاريالاعان اقپاراتىنا سايكەس، بايدەننىڭ ۋكراينا پرەزيدەنتى ۆلاديمير زەلەنسكييگە تەلەفون ارقىلى ايتقان سوزدەرى ۆاشينگتون شەنەۋنىكتەرىنىڭ ءبىراز ۋاقىتتان بەرى ايتىپ كەلە جاتقان الاڭىن كۇشەيتكەن.
"پرەزيدەنت بايدەن رەسەيلىكتەردىڭ اقپان ايىندا ۋكرايناعا باسىپ كىرۋ ءقاۋپى انىق ەكەنىن ايتتى" دەدى اق ءۇيدىڭ ۇلتتىق قاۋىپسىزدىك كەڭەسىنىڭ وكىلى ەميلي حورن.
"ول بۇل تۋرالى اشىق ايتتى جانە ءبىز بۇل جونىندە بىرنەشە اي بويى ەسكەرتىپ كەلەمىز" دەدى ول.
ۋكراينا داعدارىسىنا بايلانىستى باتىس ەلدەرى مەن رەسەي اراسىنداعى شيەلەنىس قالاي ءوربىپ جاتقانى تۋرالى قىسقاشا اقپاراتتى نازارلارىڭىزعا ۇسىنامىز:
- "رەسەي ۋكرايناعا باسىپ كىرۋ ءۇشىن سىلتاۋ دايىنداپ جاتىر" دەپ حابارلادى ءال-جازيرا تەلەارناسى.
- "رەسەي ۋكرايناعا باسىپ كىرۋى مۇمكىن" دەگەن ءقاۋىپ كۇشەيگەن كەزدە اقش-تىڭ مەملەكەتتىك حاتشىسى ەنتوني بلينكەن ەۋروپاعا باردى.
- "بارلىق نۇسقا تىس قالمايدى. ديپلوماتيالىق نۇسقا دا". اقش مەمحاتشىسى ەۋروپاعا نەگە بارا جاتىر؟
- دجو بايدەن رەسەي ۋكرايناعا شابۋىل جاساسا، ماسكەۋدى "اپات" كۇتىپ تۇرعانىن ەسكەرتتى.
- اقش بارلاۋ اگەنتتەرى رەسەي ۋكرايناعا قاشان شابۋىلداۋى مۇمكىن ەكەنىن جاريالادى.
- رەسەي سوعىس ۇشاقتارى كييەۆكە جاقىن بەلارۋس ەلىنە جينالدى.
- اعىلشىن ساياساتكەرى رەسەي ۋكرايناعا باسىپ كىرەتىنى ءسوزسىز ەكەنىن جانە شابۋىل جاقىن ارادا بولاتىنىن مالىمدەدى.
- اقش، ۇلىبريتانيا ۋكرايناعا قارۋ-جاراق جىبەرىپ جاتىر.
- دانيا، يسپانيا، فرانسيا جانە نيدەرلاندى شىعىس ەۋروپاعا جويعىش ۇشاقتار مەن اسكەري كەمەلەر جىبەرۋدە.
- رەسەي ىقتيمال شابۋىل تۋرالى اقپاراتتاردى جوققا شىعاردى.
- گەرمانيا قازىرگە ۋكرايناعا قارۋ-جاراق بەرمەيتىنىن ايتتى ءبىراق مەديسينالىق كومەك كورسەتەتىنىن جاريالادى.
- ەكى جاق (باتىس-رەسەي) سوعىسقا دايىندىقپەن قوسا، ديپلوماتيالىق كەلىسىمگە كەلۋگە تىرىسۋدا.
- فرانسيا مەن گەرمانيا رەسەيدى ديالوگقا شاقىردى.
- رەسەي، ۋكراينا، گەرمانيا جانە فرانسيا ديپلوماتتارى كەلىسسوز جۇرگىزدى.
- باتىس ەلدەرى ۋكرايناعا شابۋىل جاسالسا، زاردابى اۋىر بولاتىنىن مالىمدەدى.
- اقش ءوز ازاماتتارىن ۋكراينادان شىعىپ كەتۋگە شاقىردى.
- "ءبىز قالاي بولسا دا دايىنبىز". ناتو رەسەيدىڭ تالابىن تويتاردى.
- بايدەن: بۇل – ەكىنشى دۇنيەجۇزىلىك سوعىستان كەيىنگى ەڭ ءىرى شابۋىل بولۋى مۇمكىن.
پىكىر قالدىرۋ