بولات توكەجانوۆ "الەۋمەتتىك مەديسينالىق ساقتاندىرۋ قورىنىڭ" (ءامسق) باسشىسى قىزمەتىنەن كەتتى. بۇل تۋرالى كازتاگ اقپارات اگەنتتىگى حابارلادى.
توكەجانوۆ اتالعان قىزمەتكە 2020 جىلدىڭ 12 شىلدەسىندە تاعايىندالعان.
ەسكە سالا كەتەيىك، 2020 جىلى ەلدە كوروناۆيرۋس پاندەمياسى ورشىگەن تۇستا الەۋمەتتىك مەديسينالىق ساقتاندىرۋ قورىندا ءاۋىس-تۇيىس بولعان.
2020 جىلعى 10 شىلدەدە پرەزيدەنت قاسىم-جومارت توقايەۆ ءامسق جانە "سك-فارماسيا" باسشىلارىن قىزمەتتەن بوساتىپ، قاجەت بولعان جاعدايدا تەرگەۋ جۇرگىزۋدى تاپسىرعان. سول كۇنى دەنساۋلىق ساقتاۋ ءمينيسترىنىڭ بۇيرىعىمەن ءامسق بۇرىنعى باسشىسى ايباتىر جۇماعۇلوۆ قىزمەتىنەن كەتكەن بولاتىن. پرەزيدەنت سول كەزدە الەۋمەتتىك مەديسينالىق ساقتاندىرۋ قورىنا ىسكەر ادام كەرەكتىگىن ايتقان.
كەيىنىرەك پرەزيدەنت سەنىم ارتقان توكەجانوۆ جالاقى مولشەرىن جاريا ەتۋدەن باس تارتىپ، جانجالعا تاپ بولدى. ونىڭ ارەكەتى قازاقستاندىقتاردىڭ نارازىلىعىن تۋدىردى. جۇرتشىلىق ونىڭ كوممەرسيالىق ەمەس اكسيونەرلىك قوعامعا قاتىستى "كوممەرسيالىق قۇپيا" دەگەن ءسوزىن قۇپتامادى. جارنا ەنگىزۋ مىندەتتەمەسىنىڭ ەرىكتى ەمەستىگى، قوردىڭ توپ-مەنەدجەرى شىن مانىندە حالىقتىڭ اقشاسىنان جالاقى الا تۇرا ەڭبەكاقى مولشەرىن "كوممەرسيالىق قۇپيا" دەۋى كوپشىلىكتىڭ نارازىلىعىن تۋدىرعان.
پىكىر قالدىرۋ