پاۆلودار وبلىسى پوليسيا دەپارتامەنتىنىڭ باسشىسى بولىپ ۆاسيليي سكليار تاعايىندالدى.
ۆاسيليي سكليار بۇعان دەيىن ەكىباستۇز قالاسى پوليسيا دەپارتامەنتىنە باسشىلىق ەتكەن. ول قازاقستاننىڭ ءبىرىنشى ۆيسە-پرەمەرى رومان سكلياردىڭ تۋعان ءىنىسى.
پاۆلودار وبلىسى پوليسيا دەپارتامەنتىن بۇرىن ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتىڭ جاقىن تۋىسى نۇرلان ءماسىموۆ باسقارعان. ول 17 قاڭتاردا قىزمەتىنەن الىنعان.
كارىم ءماسىموۆتىڭ ءوزى 6 قاڭتاردا ۇستالىپ، نۇر-سۇلتان قالاسى تەرگەۋ سوتىنىڭ شەشىمىمەن 2 ايعا قاماۋعا الىنعان. كەشە ءماسىموۆتىڭ ءىسى "وتە قۇپيا" دەگەن ساناتتا جۇرگىزىلىپ جاتقانى بەلگىلى بولدى. وعان مەملەكەتكە وپاسىزدىق جاسادى، بيلىكتى كۇشتەپ باسىپ الۋعا باعىتتالعان ارەكەتكە باردى، بيلىكتى اسىرا پايدالاندى دەگەن ايىپ تاعىلعان.
ماسىموۆپەن بىرگە ۇقك ءتوراعاسىنىڭ بۇرىنعى ورىنباسارى – "ا" ارنايى ماقساتتاعى قىزمەتىنىڭ باستىعى ا.سادىقۇلوۆ پەن ۇقك ءتوراعاسىنىڭ بۇرىنعى ورىنباسارى د. ەرعوجين تەرگەلىپ جاتىر.
پىكىر قالدىرۋ