پرەزيدەنت قاسىم-جومارت توقايەۆ "حابار 24" تەلەارناسىنىڭ ءجۋرناليسى ۆەرا زاحارچۋككە بەرگەن سۇحباتىندا قاڭتار وقيعاسى كەزىندە شەرۋگە شىققانداردىڭ ىشىندە الماتىعا شابۋىل جاساعان بۇلىكشىلەر ميگرانت رەتىندە ەلگە ۇشىپ كەلگەنىن جانە نە ءۇشىن ەسكەرتۋسىز وق اتۋعا بۇيرىق بەرگەنىن ايتتى.
– بۇل ادامدار ماتەريالدىق قۇندىلىقتارعا قىزىقپاعان. ولار اكىمشىلىك عيماراتتارعا جاسالعان شابۋىلداردى باسقاردى. ولار قىلمىستىق ىستەرگە، قۇقىق قورعاۋ ورگاندارىنىڭ قىزمەتكەرلەرىنە قاتىستى قۇجاتتارعا قىزىعۋشىلىق تانىتتى. بۇل - مۇقيات جوسپارلانعان ارەكەت. سىرتتان كەلگەن سودىرلاردى تارتا وتىرىپ، باسقىنشىلىق ارەكەت جاسالدى.
سودىرلار اۋەجايدى باسىپ الۋ ارەكەتىن ۇيىمداستىرعانىن بايقاعان بولارسىزدار. ءقازىر تەرگەۋ ناتيجەسى ورتالىق ازيانىڭ ءبىر قالاسىنان كەلگەن ازاماتتاردىڭ اۋەجەي ارقىلى ءوتۋىن قامتاماسىز ەتۋ ءۇشىن باسىپ الىنعانىن كورسەتىپ وتىر. ولار - وقىتىلعان جاۋىنگەرلەر. جۇمىسشى اتىن جامىلىپ، شەكارا ارقىلى قالاعا كىرىپ، وپەراسيانى باسقارعان، – دەدى توقايەۆ "حابار" تەلەارناسىنا بەرگەن سۇحباتىندا.
پرەزيدەنت ءوزىنىڭ ەسكەرتۋسىز وق اتۋعا بۇيرىق بەرۋى تۋرالى دا ءتۇسىندىرىپ ءوتتى.
– قۇقىق قورعاۋ ورگاندارى ارەكەتىنىڭ ءبىرىڭعاي الگوريتمى بولمادى. باسشىلار جاۋاپكەرشىلىكتى الۋعا قورىقتى. كوپشىلىككە مالىمدەمە جاساماس بۇرىن مەن قارۋلى قاراقشىلارعا ەسكەرتۋسىز وق اتۋ كەرەكتىگىن ايتتىم. جاۋاپكەرشىلىكتى ءوز موينىما الدىم، – دەدى مەملەكەت باسشىسى.
پىكىر قالدىرۋ