بىرىككەن ۇلتتار ۇيىمىنىڭ مالىمەتىنشە، يەمەندەگى حۋسيت كوتەرىلىسشىلەرى اسكەر قاتارىنا العان 1500-گە جۋىق بالا 2020 جىلى شايقاستا قازا تاپقان، ال كەلەسى جىلى تاعى جۇزدەگەن بالا كوز جۇمعان.
قاۋىپسىزدىك كەڭەسىنە بەرگەن بايانداماسىندا ساراپشىلار كوتەرىلىسشىلەر ءالى دە بالالاردى ءوز قاتارىنا قوسىپ، وزدەرىنىڭ يدەولوگياسىن تاراتۋ ءۇشىن جازعى لاگەرلەر مەن مەشىتتەردى پايدالانىپ جاتقانىن ايتتى.
ماماندار ساۋد ارابياسى باسقاراتىن كۇشتەردىڭ كوتەرىلىسشىلەرگە جاساعان اۋە سوققىلارىنىڭ سالدارىنان ءالى دە كوپتەگەن بەيبىت تۇرعىن قازا تاۋىپ جاتقانىن مالىمدەدى.
2015 جىلى باستالعان سوعىستا 10 مىڭنان استام بالا كوز جۇمعان.
ون مىڭداعان ەرەسەك ادام سوعىستا ءولدى، ميلليونداعان ادام بوسقىنعا ۇشىرادى جانە اشارشىلىق قاۋپىندە تۇر.
300 بەتتەن تۇراتىن باياندامادا كوميسسيا 2020 جىلى ۇرىس دالاسىندا قازا تاپقان 1406 بالانىڭ جانە كەلەسى جىلدىڭ قاڭتار-مامىر ايلارى ارالىعىندا كوز جۇمعان 562 بالانىڭ ءتىزىمىن العانىن جاريالادى. ولاردى حۋسيتتەر اسكەرگە العان.
پىكىر قالدىرۋ