تالدىقورعاندا قازاقستاننىڭ ەكس-پرەزيدەنتى نۇرسۇلتان نازاربايەۆتىڭ ەسكەرتكىشىن قۇلاتقاندپردىڭ ءبىرى دەلىنگەن ازامات باتىربايەۆتى ازاپتاۋ ءىسى بويىنشا تەرگەۋ شارالارى باستالدى. بۇل تۋرالى "قامشىعا" ونىڭ ادۆوكاتى باۋىرجان ازانوۆ مالىمدەدى.
ادۆوكاتتىڭ سوزىنشە، ازامات باتىربەكوۆ ازاپتاۋ كەزىندەگى دەنەسىنە كەلتىرىلگەن جاراقاتتارعا قاراماستان اۋرۋحانادا ەمەس، تەرگەۋ يزولياتورىندا.
– ءقازىر ونىڭ دەنساۋلىق جاعدايى ورتاشا قاناعاتتانارلىق دەپ باعالانىپ وتىر. ازاپتاۋ فاكتىسى بويىنشا تەرگەۋ باستالدى، – دەدى ول.
ازامات باتىربەكوۆكە قىلمىستىق كودەكستىڭ 272-بابى (جاپپاي ءتارتiپسiزدiكتەر) بويىنشا ايىپ تاعىلعان. ول بۇلتارپاۋ شاراسى رەتىندە ەكى ايعا قاماۋعا الىنعان.
بۇگىن باس پروكۋراتۋرا دا باتىربايەۆتى ازاپتاۋ فاكتىسىنە بايلانىستى مالىمدەمە جاريالاعان.
"2022 جىلدىڭ 22 قاڭتارىندا تالدىقورعانداعى تارتىپسىزدىكتەر كەزىندە قۇقىق قورعاۋ ورگاندارى قىزمەتكەرلەرىنە شابۋىل جاساعانى ءۇشىن ۇستالدى.
2022 جىلدىڭ 23 قاڭتارى جاۋاپ الۋ كەزىندە ول ىشكى ىستەر ورگاندارىنىڭ قىزمەتكەرلەرى 10 قاڭتاردا دەنەسىنە جاراقات كەلتىرگەنىن كورسەتكەن.
ا. باتىربايەۆتىڭ وسى ارىزى نەگىزىندە الماتى وبلىسىنىڭ سىبايلاس جەمقورلىققا قارسى قىزمەتى ازاپتاۋ فاكتىسى بويىنشا قىلمىستىق ءىس قوزعادى. ءقازىر تەرگەۋ امالدارى جۇرگىزىلۋدە" دەلىنگەن باس پروكۋراتۋرا تاراتقان حابارلامادا.
بۇعان دەيىن الەۋمەتتىك جەلىدە باتىربايەۆ قاڭتار وقيعاسى كەزىندە ەكس-پرەزيدەنت نۇرسۇلتان نازاربايەۆتىڭ تالدىقورعانداعى ەسكەرتكىشىن بۇزۋعا قاتىسقانداردىڭ قاتارىندا بولعانى جانە تەرگەۋ بارىسىندا كۇردەلى ازاپتاۋلارعا ۇشىراعانى تۋرالى اقپارات جاريالانعان بولاتىن. الايدا ونىڭ جاقىندارى باتىربايەۆتىڭ ەسكەرتكىشتى قۇلاتۋ وقيعاسىنا قاتىسى جوق ەكەنىن ايتادى.
پىكىر قالدىرۋ