سەنات دەپۋتاتتارى ۇلتتىق بانك ءتوراعاسى لاۋازىمىنا عالىمجان ءپىرماتوۆتىڭ كانديداتۋراسىن ماقۇلدادى.
"مەملەكەت باسشىسى ۇلتتىق بانك ءتوراعاسى عالىمجان ولجا ۇلى ءپىرماتوۆتى تاعايىنداۋعا ۇسىنىس ەنگىزدى. ونىڭ قارجى جانە بيۋدجەت سالاسىندا مول تاجىريبەسى بار. سەنات رەگلامەنتىنە سايكەس ۇسىنىلعان كانديداتۋرا قارجى جانە بيۋدجەت كوميتەتىنىڭ وتىرىسىندا تالقىلاندى" دەدى سەنات ءتوراعاسى ماۋلەن اشىمبايەۆ.
عالىمجان ءپىرماتوۆتىڭ ءوزى دەنساۋلىعىنا بايلانىستى سەنات وتىرىسىنا كەلە المادى. پرەزيدەنت اكىمشىلىگىنىڭ ءبىرىنشى ورىنباسارى تيمۋر سۇلەيمەنوۆ ونىڭ كوروناۆيرۋستان ەمدەلىپ جاتقانىن ايتتى.
بۇعان دەيىن ۇلتتىق بانكتىڭ ءتوراعاسى لاۋازىمىندا بولعان ەربولات دوسايەۆ جاقىندا الماتى قالاسىنىڭ اكىمى قىزمەتىنە تاعايىندالعان.
عالىمجان ءپىرماتوۆ 1972 جىلعى 24 ساۋىردە دۇنيەگە كەلگەن. 1993 جىلى ءنوۆوسىبىر مەملەكەتتىك ۋنيۆەرسيتەتىن "مەحانيكا، قولدانبالى ماتەماتيكا" ماماندىعى بويىنشا بىتىرگەن.
2005-2007 جىلدارى "قازاقستان حالىق بانكى" اق جوبالىق قارجىلاندىرۋ باسقارماسىنىڭ باستىعى، ينۆەستيسيالىق بانكينگ دەپارتامەنتىنىڭ باسقارۋشى ديرەكتورى لاۋازىمدارىن اتقارعان.
2007 جىلى جەلتوقساندا ەكونوميكا جانە بيۋدجەتتىك جوسپارلاۋ ۆيسە-مينيسترى لاۋازىمىندا بولدى.
2009 جىلدىڭ ناۋرىز-شىلدە ارالىعىنداعى "بتا بانك" اق باسقارما ءتوراعاسىنىڭ ءبىرىنشى ورىنباسارى، باسقارما مۇشەسى بولدى.
2009-2011 جىلدار ارالىعىنداعى كەزەڭدە "قازاتومونەركاسىپ" ۇاك" اق ەكونوميكا جانە قارجى جونىندەگى ۆيسە-پرەزيدەنتى لاۋازىمىن اتقارعان.
2015-2017 جىلدارى ۇلتتىق بانك ءتوراعاسىنىڭ ورىنباسارى بولدى.
پىكىر قالدىرۋ