ءبىلىم جانە عىلىم ءمينيسترى اسحات ايماعامبەتوۆ وتكەن جىلى ءبىلىم جانە عىلىم سالاسىندا قابىلدانعان كەيبىر ماڭىزدى شارالار تۋرالى ايتتى.
– پەداگوگتەردى جۇمىسقا قابىلداۋدىڭ جاڭا قاعيدالارى ازىرلەنىپ، قابىلداندى. قىسقاشا ايتقاندا، بۇدان بىلاي ديرەكتورلاردىڭ ءوز قالاۋى بويىنشا مۇعالىمدەردى ءوزى جۇمىسقا قابىلداۋعا مۇمكىندىگى بولمايدى. ەندى ناقتى كريتەرييلەر بەلگىلەنىپ، مۇعالىمدەر جۇمىسقا قىزمەتىنىڭ ناتيجەسى مەن جەتىستىكتەرى نەگىزىندە كونكۋرس ارقىلى ورنالاسادى. بيىل بۇل ءراسىم سيفرلىق فورماتقا كوشىرىلەدى، – دەدى مينيستر الەۋمەتتىك جەلىدەگى پاراقشاسىندا
سونداي-اق ول ەندى پەداگوگيكالىق ماماندىققا كەز كەلگەن مەكتەپ تۇلەگى تۇسە المايدى. سەبەبى پەداگوگيكالىق باعىتقا دايىندىقتىڭ بارلىق باعىتتارىنا ۇبت-نىڭ ەڭ جوعارى شەكتى بالى بەلگىلەنگەن.
– پەداگوگيكالىق باعىتتا ءبىلىم بەرەتىن جوعارى وقۋ ورىندارىنىڭ تۇلەكتەرى ءۇشىن مىندەتتى تەستىلەۋ ەنگىزىلدى. ەندى دايىندىعى ناشار ۇمىتكەرلەر ءمۇعالىم بولىپ جۇمىسقا ورنالاسا المايدى. ياعني پەداگوگيكالىق ءبىلىم تۋرالى ديپلومنىڭ بولۋى ەندى جۇمىسقا بىردەن ورنالاسۋعا كەپىلدىك بەرمەيدى. بالالارمەن جۇمىس ىستەي ءبىلۋ وتە ماڭىزدى جانە جاۋاپتى مىندەت بولعاندىقتان، الدىمەن تاۋەلسىز تەستىلەۋدەن ءوتۋ كەرەك. مۇنداي سىرتقى ەمتيحاندى 2021 جىلى شامامەن 40 مىڭ تۇلەك تاپسىردى. ولاردىڭ ىشىندە شەكتى بالل جيناعاندار عانا مەكتەپتە جۇمىس ىستەۋگە مۇمكىندىك الدى. ەنگىزىلگەن بۇل جاڭاشىلدىق جوعارى وقۋ ورىندارى جۇمىسىنىڭ ساپاسىن دا كورسەتتى. 36 ۋنيۆەرسيتەت وسى ماماندىق بويىنشا دايىنداۋ بويىنشا ليسەنزياسىنان ايىرىلدى، – دەدى ايماعامبەتوۆ.
پىكىر قالدىرۋ