ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى اسەت ەرعالييەۆتىڭ بۇيرىعىمەن اگەنتتىك اپپاراتىنىڭ باسشىسى بولىپ ارمان جۇمابەكوۆ تاعايىندالدى.
ارمان جۇمابەكوۆ 1973 جىلى اقمولا وبلىسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن بىتىرگەن.
ەڭبەك جولىن 1990 جىلى سەلينوگراد وبلىسىنىڭ جيناق بانكى ەرەيمەنتاۋ فيليالىنىڭ ينسپەكتورى بولىپ باستاعان.
ءار جىلدارى اقمولا وبلىسى بويىنشا سالىق كوميتەتىندە، مەملەكەتتىك كىرىستەر مينيسترلىگىندە، پرەمەر-مينيستردىڭ كەڭسەسىندە، پرەزيدەنت اكىمشىلىگىندە جۇمىس ىستەگەن.
2018-2019 جىلدارى ۇلتتىق ەكونوميكا مينيسترلىگىنىڭ جاۋاپتى حاتشىسى.
2019 جىلى ۇلتتىق ەكونوميكا ءبىرىنشى ۆيسە-مينيسترى.
2021 جىلدىڭ قاڭتارىنان باستاپ ۇلتتىق ەكونوميكا مينيسترلىگىنىڭ اپپارات باسشىسى قىزمەتىن اتقارىپ كەلدى.
پىكىر قالدىرۋ