جامبىل وبلىسى اكىمىنىڭ ورىنباسارى بولىپ نۇرجان كالەندەروۆ تاعايىندالدى. بۇل تۋرالى وبلىس اكىمدىگىنىڭ باسپا ءسوز قىزمەتى مالىمدەدى.
نۇرجان كالەندەروۆ 1976 جىلى تۋعان. جامبىل جەڭىل جانە تاماق ونەركاسىبى تەحنولوگيالىق ينستيتۋتىن "حالىقارالىق ەكونوميكالىق قاتىناستار" ماماندىعى بويىنشا بىتىرگەن.
ەڭبەك جولىن 1997 جىلى "ارنابول" جاۋاپكەرشىلىگى شەكتەۋلى سەرىكتەستىگىنىڭ بۋحگالتەرى بولىپ باستاعان.
ءار جىلدارى زەينەتاقى تولەۋ جونىندەگى مەملەكەتتىك ورتالىعىنىڭ تاراز قالالىق بولىمشەسىندە اعا مامان، جامبىل وبلىستىق بولىمشەسىندە باس مامان، جامبىل وبلىسى اكىمى اپپاراتىنىڭ باس مامانى، وبلىس اكىمدىگىنىڭ قارجى باسقارماسىندا ءبولىم باستىعى، باسقارما باسشىسىنىڭ ورىنباسارى، باسقارما باسشىسى بولىپ ەڭبەك ەتكەن.
2011-2013 جىلدارى جامبىل اۋدانىنىڭ اكىمى، 2013 جىلدىڭ ماۋسىم-جەلتوقسان ارالىعى قورداي اۋدانىنىڭ اكىمى، 2013-2017 جىلدارى تاراز قالاسىنىڭ اكىمى، 2017-2019 جىلدارى جامبىل وبلىسى اكىمى اپپاراتىنىڭ باسشىسى، 2019-2020 جىلدارى وبلىس اكىمىنىڭ ورىنباسارى قىزمەتتەرىن اتقارعان.
2020 جىلدىڭ ماۋسىمىنان بەرى شۋ اۋدانىنىڭ اكىمى بولىپ كەلدى.
پىكىر قالدىرۋ