"گەرمانيا كانسلەرى ولاف شولس سەيسەنبى كۇنى ماسكەۋگە بارادى" دەپ حابارلادى نەمىس ۇكىمەتىنىڭ دەرەككوزدەرى. كەيبىر ەۋروپالىق كوشباسشىلار بۇل – ۋكرايناعا قاتىستى "وتە ءقاۋىپتى" ماسەلەنى شەشۋدىڭ سوڭعى مۇمكىندىگى بولۋى ىقتيمال ەكەنىن ايتادى.
"ۋكراينا داعدارىسىنا بايلانىستى جەتكىلىكتى ديپلوماتيالىق كۇش جىگەر كورسەتپەدى" دەپ سىنالعان گەرمانيا كانسلەرى العاش رەت كييەۆكە بارادى.
ال اقش بارلاۋ قىزمەتى "ماسكەۋ شابۋىل جاساۋ جوسپارلارىن جەدەلدەتتى" دەپ مالىمدەدى. ۆاشينگتون "20 اقپاندا قىسقى وليمپيادا ويىندارى اياقتالماي تۇرىپ، سارسەنبىدە رەسەي اسكەرى شەكارانى بۇزادى" دەپ جاريالادى.
دجو بايدەن جەكسەنبى كۇنى تاڭەرتەڭ كييەۆتەگى اقش ەلشىلىگىن تولىعىمەن دەرلىك ەۆاكۋاسيالاۋعا بۇيرىق بەردى، كەيىنىرەك ۋكراينا پرەزيدەنتى ۆلاديمير زەلەنسكييمەن سويلەستى. بايدەن اقش- "رەسەيدىڭ بۇدان بىلايعى كەز كەلگەن اگرەسسياسىنا تەز جانە باتىل جاۋاپ بەرەتىنىن" مالىمدەدى جانە ەكى كوشباسشى ديپلوماتيا مەن (رەسەي اگرەسسياسىن) تەجەۋدى جالعاستىرۋ قاجەتتىگى تۋرالى كەلىستى.
رەسەي ۋكرايناعا باسىپ كىرۋدى جوسپارلاپ وتىرعانىن جوققا شىعارادى، ءبىراق جەكسەنبى كۇنى اسكەرلەر مەن اسكەري تىكۇشاقتار ۋكراينا شەكاراسىنا جاقىن جەرگە جىلجىتىلعانى تۋرالى اقپارات تارادى.
ۋكراينا اشىقتىقتى قامتاماسىز ەتۋ جانە سوعىس ءقاۋپىن ازايتۋدى كوزدەيتىن حالىقارالىق كەلىسىم ۆەنا قۇجاتىن نەگىزگە الىپ، 48 ساعاتتىق مەرزىمدە رەسەيدىڭ بەلارۋستەگى اسكەري مانيەۆرلەرىنىڭ ماقساتىن ناقتىلاۋ تۋرالى ماسكەۋگە رەسمي ءوتىنىش جولدادى. دەگەنمەن، رەسەي تاراپى وعان جاۋاپ بەرمەدى.
بەلارۋس ۇكىمەتى بالتىق جاعالاۋى ەلدەرىنىڭ وسىنداي وتىنىشىنە جاۋاپ بەردى، ءبىراق كەيبىر رەسەيلىك بولىمشەلەر وڭتۇستىك شەكارانى كۇزەتۋ ءۇشىن سوندا بولاتىنىن ايتىپ، اسكەري جاتتىعۋلار اياقتالۋى ءتيىس 20 اقپاندا ارميانىڭ كەتپەيتىنىن ايتتى.
ۋكراينانىڭ سىرتقى ىستەر ءمينيسترى دميتريي كۋلەبا "كەلەسى قادامدا" رەسەيدەن "اشىقتىق" تالاپ ەتىپ، الداعى 48 ساعات ىشىندە كەزدەسۋدى جوسپارلاعانىن ايتتى.
رەسەيدىڭ بالتىق فلوتىنان قاناتتى زىمىراندارىمەن قارۋلانعان سۇڭگۋىر قايىق تا بوسفور ارقىلى قارا تەڭىزگە قاراي ءجۇزدى. ليتۆا ۋكرايناعا "ستينگەر" زەنيتتىك زىمىراندارىن جەتكىزگەنىن جاريالادى، ال اقش ەلشىلىگى كييەۆكە امەريكالىق اسكەري تەحنيكانىڭ 17ء-شى ۇشاعى، ونىڭ ىشىندە يىق گراناتالارى كەلگەنىن حابارلادى.
جەكسەنبىدە نەمىس ۇكىمەتى تاراپى ۋكراينا شەكاراسىنداعى "وتە الاڭداتارلىق جالپى جاعداي" تۋرالى ايتتى. سونىمەن قاتار، شولستىڭ ساپارى سوعىستى بولدىرماۋدىڭ "سوڭعى ارەكەتى" دەگەن بولجامدار ايتىلدى.
باتىس ەلدەرى شابۋىل بولعان جاعدايدا ماسكەۋگە سانكسيالار سالاتىنىن جاريالادى.
دەگەنمەن، رەسەيلىك ديپلوماتتار باتىستىق سانكسيالاردىڭ قوقان-لوققىلارى (ماسكەۋگە) ەش اسەر ەتپەيتىنىن جەتكىزدى. كرەملدىڭ شۆەسياداعى ەلشىسى شۆەد گازەتىنە سانكسيالار رەسەي ەكونوميكاسىنا "ەشتەڭە ىستەي المايدى" دەپ سۇحبات بەردى.
الەمدىك كوشباسشىلار ۋكرايناعا قاتىستى قازىرگى داعدارىستى باسەڭدەتۋ ءۇشىن ديپلوماتيالىق كەلىسسوزدەردى جالعاستىرۋدا. ءبىراق ازىرگە ولار ەشقانداي كەلىسىمگە قول جەتكىزە المادى.
ماسكەۋ ناتو-عا ءبىرقاتار تالاپتار قويدى. ول بويىنشا، ناتو قورعانىس اليانسى ۋكراينانى مۇشەلىككە قابىلداماۋى جانە شىعىس ەۋروپاداعى اسكەري ىقپالىن ازايتۋى كەرەك.
ۋكراينا داعدارىسىنا بايلانىستى باتىس ەلدەرى مەن رەسەي اراسىنداعى شيەلەنىس قالاي ءوربىپ جاتىر:
- "رەسەي ۋكرايناعا باسىپ كىرۋ ءۇشىن سىلتاۋ دايىنداپ جاتىر" دەپ حابارلادى ءال-جازيرا تەلەارناسى.
- "رەسەي ۋكرايناعا باسىپ كىرۋى مۇمكىن" دەگەن ءقاۋىپ كۇشەيگەن كەزدە اقش-تىڭ مەملەكەتتىك حاتشىسى ەنتوني بلينكەن ەۋروپاعا باردى.
- "بارلىق نۇسقا تىس قالمايدى. ديپلوماتيالىق نۇسقا دا". اقش مەمحاتشىسى ەۋروپاعا نەگە بارا جاتىر؟
- دجو بايدەن رەسەي ۋكرايناعا شابۋىل جاساسا، ماسكەۋدى "اپات" كۇتىپ تۇرعانىن ەسكەرتتى.
- اقش بارلاۋ اگەنتتەرى رەسەي ۋكرايناعا قاشان شابۋىلداۋى مۇمكىن ەكەنىن جاريالادى.
- رەسەي سوعىس ۇشاقتارى كييەۆكە جاقىن بەلارۋس ەلىنە جينالدى.
- اعىلشىن ساياساتكەرى رەسەي ۋكرايناعا باسىپ كىرەتىنى ءسوزسىز ەكەنىن جانە شابۋىل جاقىن ارادا بولاتىنىن مالىمدەدى.
- اقش، ۇلىبريتانيا ۋكرايناعا قارۋ-جاراق جىبەرىپ جاتىر.
- دانيا، يسپانيا، فرانسيا جانە نيدەرلاندى شىعىس ەۋروپاعا جويعىش ۇشاقتار مەن اسكەري كەمەلەر جىبەرۋدە.
- رەسەي ىقتيمال شابۋىل تۋرالى اقپاراتتاردى جوققا شىعاردى.
- گەرمانيا قازىرگە ۋكرايناعا قارۋ-جاراق بەرمەيتىنىن ايتتى ءبىراق مەديسينالىق كومەك كورسەتەتىنىن جاريالادى.
- ەكى جاق (باتىس-رەسەي) سوعىسقا دايىندىقپەن قوسا، ديپلوماتيالىق كەلىسىمگە كەلۋگە تىرىسۋدا.
- فرانسيا مەن گەرمانيا رەسەيدى ديالوگقا شاقىردى.
- رەسەي، ۋكراينا، گەرمانيا جانە فرانسيا ديپلوماتتارى كەلىسسوز جۇرگىزدى.
- باتىس ەلدەرى ۋكرايناعا شابۋىل جاسالسا، زاردابى اۋىر بولاتىنىن مالىمدەدى.
- اقش ءوز ازاماتتارىن ۋكراينادان شىعىپ كەتۋگە شاقىردى.
- "ءبىز قالاي بولسا دا دايىنبىز". ناتو رەسەيدىڭ تالابىن تويتاردى.
- بايدەن: بۇل – ەكىنشى دۇنيەجۇزىلىك سوعىستان كەيىنگى ەڭ ءىرى شابۋىل بولۋى مۇمكىن.
- بايدەن رەسەيدىڭ ۋكرايناعا قاشان شابۋىل جاسايتىنىن ايتتى.
-
ۆاشينگتون رەسەي قۇبىرىن جاۋىپ، بۇۇ قاۋىپسىزدىك كەڭەسىنىڭ وتىرىسىن وتكىزەتىنىن جاريالادى.
- بۇۇ قاۋىپسىزدىك كەڭەسىنىڭ وتىرىسى بارىسىندا رەسەي مەن اقش وكىلدەرى سوزگە كەلىپ قالدى.
- رەسەي وكىلى كييەۆتىڭ "ءوز تۇبىنە ءوزى جەتەتىنىن" ايتتى.
- ۆاشينگتون مەن ماسكەۋ اراسىنداعى كەلىسسوزدەر شيەلەنىستى باسەڭدەتە المادى.
- اقش ەۋروپاعا كوبىرەك اسكەر جىبەرەتىنىن جاريالادى.
- رەسەي ۆاشينگتوننىڭ ەۋروپاعا كوبىرەك اسكەر جىبەرۋ شەشىمىن ايىپتادى.
- اقش: رەسەي ۋكرايناعا باسىپ كىرۋگە 70% دايىن. كييەۆ بىرنەشە كۇندە قيرايدى.
-
فرانسيا پرەزيدەنتى: رەسەيمەن سوعىسسىز كەلىسىمگە كەلە الامىز.
- اقش پەن گەرمانيا رەسەيدى قالاي "جازالاۋعا" كەلىستى.
-
ۇلىبريتانيا سانكسيالاردى قولدايتىنىن ءبىلدىردى.
-
سەيسەنبىدە ۇلىبريتانيا پرەمەر-مينيسترى بوريس دجونسون The Times گازەتىندە ۇلىبريتانيانىڭ ايماققا كورولدىك اۋە كۇشتەرىنىڭ جويعىشتارى مەن كورولدىك تەڭىز فلوتىنىڭ اسكەري كەمەلەرىن ورنالاستىرۋ مۇمكىندىگىن قاراستىرىپ جاتقانىن ايتتى.
-
ەۋروپا: ەڭ ءقاۋىپتى ساتتە تۇرمىز
- ماكرون شيەلەنىستى باسەڭدەتۋگە كەپىلدىك بار ەكەنىن مالىمدەدى.
- ناتو: بۇل رەسەيدىڭ كييەۆتى باسىپ الۋعا دايىندىعى.
- "ونداعان مىڭ اسكەر قاتىسادى". بۇگىن رەسەي-بەلارۋس بىرىككەن اسكەري وقۋ-جاتتىعۋلارى باستالادى.
- رەسەي، ۋكراينا، فرانسيا جانە گەرمانيا ەشقانداي كەلىسىمگە قول جەتكىزە المادى.
- ماسكەۋ كورشى بەلارۋسپەن جاپپاي اسكەري جاتتىعۋلارىن باستادى.
- ۋكراينا رەسەيدى "تەڭىزگە شىعۋىمىزعا توسقاۋىل قويدى" دەپ ايىپتادى.
- بايدەن ۋكرايناداعى امەريكالىقتاردى دەرەۋ ەلدەن كەتۋگە شاقىردى.
-
بايدەن: بۇل بۇل دۇنيەجۇزىلىك سوعىس بولادى. ءبىز بۇرىن-سوڭدى مۇلدە بولماعان باسقا دۇنيەگە تاپ بولدىق.
- ۆاشينگتون رەسەيدىڭ 20 اقپاندا ۋكراينا شەكاراسىن بۇزاتىنىن مالىمدەدى.
- گەرمانيا كانسلەرى ولاف شولس سەيسەنبى كۇنى ماسكەۋگە بارادى.
پىكىر قالدىرۋ