اقش پرەزيدەنتى دجو بايدەن اق ۇيدەن سويلەگەن سوزىندە ماسكەۋ ۋكراينا شەكاراسى ماڭىنان اسكەرلەرىن كەرى قايتارىپ جاتىر دەگەن اقپارات انىق ەمەس ەكەنىن ءمالىم ەتتى.
ءبىراق ماسكەۋدەن كەلگەن ارالاس سيگنالدار كەزىندە ۆاشينگتون مەن ەۋروپاداعى كوشباسشىلار "سوعىستىڭ الدىن الۋى مۇمكىندىگى بار" دەدى. سونىمەن قاتار ابايلاپ، وپتيميستىك كوزقاراستا بولۋ كەرەك ەكەنىن مالىمدەۋدە.
"ەگەر رەسەي ءوز كۇشتەرىن كەرى قايتارسا، بۇل – جاقسى، ءبىراق ءبىز مۇنى ءالى راستاعان جوقپىز. شىنىن ايتقاندا، ءبىزدىڭ ساراپشىلارىمىز ولاردىڭ ءقاۋىپ توندىرەتىن پوزيسيادا ەكەنىن كورسەتەدى" دەگەن بايدەن رەسەيدىڭ ۋكراينا اينالاسىدا 150 مىڭنان استام اسكەرى بار ەكەنىن اتاپ ءوتتى. ونىڭ سوزىنشە، بۇل بۇرىنعى 130 000-عا جۋىق دەپ ەسەپتەلگەننەن ايتارلىقتاي كوپ. بايدەن "باسقىنشىلىق ءالى دە مۇمكىن ەكەنىن" ايتادى.
اقش پرەزيدەنتى رەسەيدىڭ داعدارىستان ديپلوماتيالىق جولمەن شىعۋ جولىن تابا الاتىنىنا سەنىمدى ەكەنىن دە جەتكىزدى.
بۇعان دەيىن رەسەي پرەزيدەنتى ۆلاديمير پۋتين مەن اقش پرەزيدەنتى دجو بايدەن تەلەفون ارقىلى سويلەسكەن.
"ەگەر ونىڭ قالاۋى بولسا، ءبىز رەسەي، اقش جانە ەۋروپا ەلدەرى اراسىندا قاۋىپسىزدىك ماسەلەلەرىن شەشۋدەگى جازباشا كەلىسىمگە كەلۋ ءۇشىن جوعارى دەڭگەيدە ديپلوماتيانى جالعاستىرۋعا دايىن ەكەنىمىزدى كورسەتەمىز" دەدى بايدەن.
ول رەسەيلىكتەر كەلىسسوزدەردى جالعاستىرۋعا دايىن ەكەنىن بىلدىرگەنىن دە اتاپ ءوتتى.
پىكىر قالدىرۋ