قايرات شارىپبايەۆ پەن ادىلبەك جاقسىبەكوۆتىڭ "QazaqGaz" ۇك اق ديرەكتورلار كەڭەسىنىڭ قۇرامىنداعى وكىلەتتىگى مەرزىمىنەن بۇرىن توقتاتىلدى. بۇل تۋرالى ۇلتتىق كومپانيانىڭ باسپا ءسوز قىزمەتى حابارلادى.
"سامۇرىق-قازىنا" اق باسقارماسىنىڭ 2022 جىلعى 18 اقپانداعى شەشىمىنە سايكەس، "QazaqGaz" ۇك اق ديرەكتورلار كەڭەسىنىڭ قۇرامى وزگەرتىلدى. وسى شەشىممەن ادىلبەك جاقسىبەكوۆ، قايرات شارىپبايەۆ جانە مالىك ساۋلەبايدىڭ وكىلەتتىكتەرى مەرزىمىنەن بۇرىن توقتاتىلدى" دەلىنگەن حابارلامادا.
"QazaqGaz" ۇك اق ديرەكتورلار كەڭەسىنىڭ مۇشەلەرى، "سامۇرىق-قازىنا" اق مۇددەلەرىنىڭ وكىلدەرى بولىپ ەرنات بەردىعۇلوۆ پەن نيكولاي كازۋتين سايلاندى.
ەرنات بەردىعۇلوۆ "QazaqGaz" ۇك" اق ديرەكتورلار كەڭەسىنىڭ ءتوراعاسى بولىپ سايلاندى.
بۇعان دەيىن ءماجىلىس دەپۋتاتى داريعا نازاربايەۆانىڭ كۇيەۋى قايرات شارىپبايەۆ قاڭتار وقيعاسىنان كەيىن ۇزاماي نازاربايەۆتار اۋلەتىنىڭ وكىلدەرىمەن بىرگە "QazaqGaz" باسقارما ءتوراعاسى قىزمەتىنەن كەتكەن بولاتىن.
ادىلبەك جاقسىبەكوۆ "QazaqGaz" ديرەكتورلار كەڭەسىن 2020 جىلدىڭ قاراشاسىنان باستاپ باسقارعان.
پىكىر قالدىرۋ