تالعات قۇرمانبايەۆ "قازترانسويل" اق-نىڭ باسقارما ءتوراعاسى بولىپ تاعايىندالدى، دەپ حابارلادى كومپانيانىڭ باسپا ءسوز قىزمەتى.
"قازترانسويل اق ديرەكتورلار كەڭەسىنىڭ شەشىمىنە سايكەس، تالعات قۇرمانبايەۆ 2022 جىلعى 23 اقپاننان باستاپ "قازترانسويل" اق باس ديرەكتورى (باسقارما ءتوراعاسى) بولىپ سايلاندى" دەلىنگەن حابارلامادا.
بۇعان دەيىن ول ەنەرگەتيكا مينيسترلىگى مۇناي تاسىمالداۋ جانە وڭدەۋ دەپارتامەنتى ديرەكتورىنىڭ ورىنباسارى قىزمەتىن اتقارعان.
تالعات قۇرمانبايەۆ 1979 جىلى دۇنيەگە كەلگەن. 2000 جىلى قازاق مەملەكەتتىك زاڭ اكادەمياسىن، 2004 جىلى قانىش ساتبايەۆ اتىنداعى قازاق مەملەكەتتىك ۇلتتىق تەحنيكالىق ۋنيۆەرسيتەتىن بىتىرگەن. 2000 جىلدان باستاپ مۇناي سالاسىندا جۇمىس ىستەي باستادى.
بۇعان دەيىن "قازترانسويل" باسقارما ءتوراعالىعى ديماش دوسانوۆقا تيەسىلى بولعان. ونىڭ وكىلەتتىگى 15 قاڭتاردا مەرزىمىنەن بۇرىن توقتاتىلعان بولاتىن. ديماش دوسانوۆ ەكس-پرەزيدەنت نۇرسۇلتان نازاربايەۆتىڭ كىشى قىزى ءاليا نازاربايەۆانىڭ كۇيەۋى.
پىكىر قالدىرۋ