رەسەي كۇشتەرى ۋكرايناعا ءىرى اسكەري شابۋىل جاسادى، ۋكراينا قالالارى ماڭىندا زىمىراندىق سوققىلار مەن جارىلىستار بولىپ جاتىر، دەپ حابارلادى BBC.

ۋكراينا اسكەريلەرى "كەم دەگەندە التى رەسەيلىك ۇشاقتى اتىپ تۇسىردىك، قارسى جاقتىڭ كەم دەگەندە قىرىق اسكەرىنىڭ كوزىن جويدىق" دەپ مالىمدەدى.

BBC "ادامدار ەل استاناسى كييەۆتەن قاشۋعا تىرىسىپ جاتىر. حالىقتا قاتتى كۇيزەلىس بار" دەپ جازادى.

ناتو باسشىسى يەنس ستولتەنبەرگ بۇل شابۋىلدا بۇرىننان جوسپارلاعانىن ايتادى.

رەسەي پرەزيدەنتى ۆلاديمير پۋتين، ەگەر كىمدە-كىم رەسەيگە تيىسەتىن بولسا، ماسكەۋدىڭ جاۋابى "لەزدە" بولاتىنىن ەسكەرتتى.

ەۋروپالىق وداق بۇل – ەكىنشى دۇنيەجۇزىلىك سوعىستان كەيىنگى ەۋروپاعا تونگەن سىن ساعاتتاردىڭ ءبىرى ەكەنىن جانە رەسەي "جاپپاي سانكسيالارعا" ۇشىرايتىنىن مالىمدەدى.

اقش پرەزيدەنتى دجو بايدەن "الەم رەسەيدى جاۋاپكەرشىلىككە تارتادى" دەپ ۋادە بەرىپ، "سوعىستا ادام شىعىنى كوپ" دەپ بولجايدى.

ۇلىبريتانيا پرەمەر-مينيسترى بوريس دجونسون ءپۋتيننىڭ ارەكەتىن "ۆارۆارلىق" دەپ سيپاتتاپ، ءوزىنىڭ ۋكراين حالقى جاعىندا بولاتىنىن ايتتى. ۋكرايناعا "ساياسي، ەكونوميكالىق"، ءتىپتى "اسكەري قولداۋ" بەرەتىنىن مالىمدەدى.