جۇڭگو سىرتقى ىستەر مينيسترلىگىنىڭ رەسمي وكىلى حۋا چۋنين رەسەيدىڭ ۋكرايناعا جاساپ جاتقان اسكەري شابۋىلىن باسقىنشىلىق دەپ سانامايتىنىن جەتكىزدى. ونىڭ سوزدەرىن قىتايلىق Global Times باسىلىمى كەلتىردى.
ول پرەسس-كونفەرەنسيا كەزىندە "رەسەيدىڭ ۋكرايناعا باسىپ كىرگەنى" تۋرالى سۇراققا جاۋاپ بەرە وتىرىپ، ءجۋرناليستىڭ "باسىپ كىردى" دەگەن تىركەستى قولدانۋىن قولدامايتىنىن ايتىپ، ونى باتىستىق ب ا ق وكىلدەرىنىڭ ادەتتەگى ستيلىندەگى تىركەس دەپ اتادى.
وسى ارقىلى ول جۇڭگو رەسەيدى ادام شىعىنانا اكەلىپ سوققان اسكەري قيمىلدارى ءۇشىن ايىپتامايتىنىن جەتكىزدى.
سوڭعى ۋاقىتتا جۇڭگو دا اۋماقتىق ماسەلەگە بايلانىستى الەم نازارىن وزدەرىنە اۋدارىپ تۇر. جۇڭگو تايۆاندى كەزىندە ءبولىنىپ كەتكەن اۋدان ساناپ، ونى قوسىپ الۋدى قالايدى. ال تايۆان ءوزىن تاۋەلسىز مەملەكەت سانايدى.
پىكىر قالدىرۋ