"رەسەي ءتۇنى بويى چەرنيگوۆ قالاسىن اتقىلادى" دەپ مالىمدەدى ۋكراينانىڭ توتەنشە جاعدايلار جونىندەگى مەملەكەتتىك قىزمەتى.
ۋكراينا بيلىگى "جارىلىستار تاڭ اتقانشا استانا كييەۆتە جانە حاركوۆتە دە ەستىلدى" دەپ حابارلادى .
پرەزيدەنت زەلەنسكيي الداعى 24 ساعات – رەسەي باسقىنشىلىعىنىڭ بەسىنشى كۇنى ۋكراينا ءۇشىن "شەشۋشى ساعاتتار" بولادى دەيدى.
ساراپشىلار رەسەي بانكتەرىنىڭ قۇلدىراۋى مۇمكىن دەر ەسكەرتكەندەي، رەسەي ءرۋبلى قاتاڭ سانكسيالاردان كەيىن دوللارعا شاققانداعى ەڭ تومەنگى دەڭگەيگە ءتۇستى.
ەو ۋكرايناعا قارۋ-جاراق جونەلتۋدە بۇرىن-سوڭدى بولماعان قادامعا بارىپ جاتىر.
ەو سونداي-اق رەسەي ۇشاقتارى ءۇشىن اۋە كەڭىستىگىن جاۋىپ، رەسەيدىڭ مەملەكەتتىك اقپارات قۇرالدارى "Russia Today" مەن Sputnik-كە تىيىم سالادى. ولاردىڭ بۇرمالانعان اقپارات تاراتىنى ايتىلىپ، تاۋەلسىز ساراپتاماعا بەرىلدى. ۇلىبريتانيا پرەمەر-مينيسترى باسىلىمداردى ءوزى جابۋ قۇقى بار ەكەنىن، الايدا، ءوزىنىڭ پۋتيننەن ايىرماشىلىعى وزىندە قۇقىق بولسا دا، تاۋەلسىز ساراپتاماعا شەشىم جاساۋعا بەرگەنىن ايتتى.
ەو ۋكراين بوسقىنداردى دا قابىلداپ، باسپانا سۇراماسا دا، شارتسىز باسپانا بەرۋدى شەشتى.
بەلارۋستەگى داۋىس بەرۋ وندا يادرولىق قارۋدى ورنالاستىرۋعا جول اشتى.
بىرىككەن ۇلتتار ۇيىمى دۇيسەنبىدە بارلىق 193 مۇشە ەلدىڭ قاتىسۋىمەن توتەنشە ارنايى سەسسيا وتكىزەدى.
