بۇگىن م.اۋەزوۆ اتىنداعى قازاق ۇلتتىق دراما تەاترىندا «پرەمەرالار اپتالىعى» باستالدى. اپتالىق 23-26 اقپان ارالىعىندا وتەدى. وسى ءتورت كۇندە كورەرمەنگە بەس جاڭا قويىلىم جول تارتادى. وسىعان وراي بۇگىن ساحنا ونەرىنىڭ بۇگىنگى  تاڭداعى وزەكتى ماسەلەلەرىن ارقاۋ ەتەتىن  دوڭگەلەك ۇستەلدەر، سەمينارلار جانە لەكسيالار ۇيىمداستىرىلدى.

مادەني ءىس-شارا ساعات 17.00-دە باءسپاسوز كونفەرەنسياسىمەن باستالدى. 2020 جىلدىڭ 20 جەلتوقسانىندا ق ر پرەزيدەنتىنىڭ ارنايى جارلىعىمەن تەاترعا «ۇلتتىق» مارتەبەسى بەرىلگەن بولاتىن. وسىعان وراي، كونفەرەنسيا بارىسىندا تەاتردىڭ جاڭا لوگوتيپى مەن جاڭا سايتىنىڭ تانىستىرىلىمى ءوتتءى.

باسپا ءسوز كونفەرەنسياسىنا م.اۋەزوۆ اتىنداعى قازاق ۇلتتىق دراما تەاترىنىڭ كوركەمدىك جەتەكشىسى، كسرو حالىق ءارتيسى – ا.ءاشىموۆ، م.اۋەزوۆ اتىنداعى قازاق ۇلتتىق دراما تەاترىنىڭ ديرەكتورى، قازاقستاننىڭ ەڭبەك سىڭىرگەن قايراتكەرى – ە.جۋاسبەك، «قان مەن تەر. اقبالا» تراگەدياسىنىڭ قويۋشى-رەجيسسەرى – ا.وسپانبايەۆا، «قىتايدان جەتكەن سالەمدەمە» دراماسىنىڭ قويۋشى-رەجيسسەرى – ا.قابدەشوۆا، «ماقشار تۇنگى ماحاببات» ميستيكالىق دراماسىنىڭ قويۋشى-رەجيسسەرى – ج.جۇمانباي قاتىستى.

باسپاسوز-كونفەرەنسياسى بارىسىندا جاڭا قويىلىمداردىڭ بۇگىنگى قوعام ءۇشىن ماڭىزى، جانرى مەن ستيلدىك ەرەكشەلىكتەرى، اكتەرلىك قۇرامى سىندى ماسەلەلەر تالقىلاندى.

ساعات 18.30-دا قويۋشى-رەجيسسەر ا.وسپانبايەۆانىڭ (اۆت. ءا.نۇرپەيىسوۆ)   «قان مەن تەر. اقبالا»  تراگەدياسىنىڭ پرەمەراسى ءوتتى.

24 اقپاندا قويۋشى-رەجيسسەر ا.قابدەشوۆانىڭ «قىتايدان جەتكەن سالەمدەمە» (اۆت. ر.وتاربايەۆ) دراماسىنىڭ، 25 اقپاندا قويۋشى-رەجيسسەر ن.قارابالينانىڭ «بەيتانىس تانىستار» (اۆت. ا.باتىر قىزى) جانە قويۋشى-رەجيسسەر ر.جۇرىنبايدىڭ «قايداسىڭ، ماما؟!» (اۆت. ج.باۋىرجان قىزى) مونوسپەكتاكلدەرىنىڭ، 26 اقپاندا قويۋشى-رەجيسسەر ج.جۇمانبايدىڭ «ماقشار تۇنگى ماحاببات» (اۆت. د.يسابەكوۆ) ميستيكالىق دراماسىنىڭ پرەمەرالارى شىمىلدىعىن تۇرەدى.