28 اقپاننان باستاپ رەسەيلىك ۇشاقتارعا ەۋرووداق اۋماعىنىڭ ۇستىنەن ۇشۋعا تىيىم سالىندى. بۇل تۋرالى ەۋروپالىق كوميسسيا باسشىسى ۋرسۋلا فون دەر ليايەن 27 اقپانعا قاراعان ءتۇنى مالىمدەدى.
– ءبىز ەۋرووداقتىڭ اۋە كەڭىستىگىن رەسەيگە جاۋىپ جاتىرمىز. ءبىز رەسەيگە تيەسىلى، رەسەيدە تىركەلگەن، رەسەي باقىلاۋىنداعى بارلىق ۇشاقتارعا تىيىم سالىپ جاتىرمىز. ولار ەندى ەۋرووداقتىڭ اۋە كەڭىستىگى ارقىلى قونىپ، ۇشا المايدى، – دەدى ەۋروكوميسسيا ءتوراعاسى.
سونىمەن قاتار، ول ەو-نىڭ قارجىلىق تۇراقتىلىعى ءۇشىن قاجەتتى وپەراسيالاردى قوسپاعاندا، ورتالىق بانكتىڭ رەزەرۆتەرى مەن اكتيۆتەرىن باسقارۋعا بايلانىستى وپەراسيالارعا تىيىم سالىناتىنىن ايتتى.
بۇل شەكتەۋلەر رەسەي ورتالىق بانكىنىڭ اتىنان نەمەسە ونىڭ نۇسقاۋى بويىنشا ارەكەت ەتەتىن كەز كەلگەن زاڭدى تۇلعالارعا قاتىستى.
پىكىر قالدىرۋ