گولليۆۋد اكتەرلەرى جەكسەنبى كۇنى كەشكە ەكران اكتەرلەرى گيلدياسىنىڭ ماراپاتتاۋ ءراسىمى كەزىندە ۋكرايناعا قۇرمەت كورسەتىپ، كوشباسشى ۆلاديمير زەلەنسكييدىڭ ونەردەگى جولدارىن اتاپ ءوتتى.
"ۋكراينا پرەزيدەنتى ازىلكەش بولدى. ول تاماشا ءازىل شەبەرى، ءبىز ونى قۇرمەتتەۋىمىز كەرەك جانە ونىڭ پرەزيدەنتتىككە كەلۋى كەرەمەت" دەدى اكتەر برايان كوكس ماراپات الۋ كەزىندە.
اكتريسا دجەسسيكا چەستەين ءوز سوزىندە "مەنىڭ جۇرەگىم ولاردىڭ (ۋكرايندەردىڭ) قاۋىپسىزدىگى مەن بوستاندىعى ءۇشىن كۇرەسىپ جاتقاندارمەن بىرگە سوعادى" دەدى، ال تەلەجۇرگىزۋشى گرەتا لي كوك جانە سارى كويلەكپەن ياعني ۋكراينا تۋىنىنا ۇقساس كويلەكپەن قىزىل كىلەمدى ءجۇرىپ ءوتتى.
زەلەنسكييدىڭ اكتەردەن پرەزيدەنتكە دەيىنگى جولى ونىڭ "حالىق قىزمەتشىسى" تەلەحيكاياسىمەن ۇقساس.
تەلەحيكايادا زەلەنسكيي پرەزيدەنتتىككە دەيىن كوتەرىلگەن مەكتەپ ءمۇعالىمىن سومداعان. زەلەنسكيي رەسەي باسقىنشىلىعى كەزىندە سابىرلى جەتەكشىلىگى ءۇشىن جەلىدە كەڭىنەن ماقتاۋعا يە بولىپ جاتىر. ونىڭ ينتەرنەتتەگى تانىمالدىلىعى كۇرت ارتقان كەزدە Twitter-دە تەلەشوۋىنىڭ كادرلارى، سونداي-اق 2006 جىلعى "جۇلدىزدارمەن بيلەۋ" فيلمىندەگى جەڭىستى بۇرىلىسى سياقتى باسقا دا كورىنىستەر كەڭ تارادى.
بريتاندىق اكتەر حيۋ بوننيەۆيلل زەلەنسكييدى (ۋكراينالىق نۇسقاداعى) "پەددينگتون ايۋىنىڭ داۋىسى" دەپ سيپاتتادى. ول تۆيت تە تۆيتتەردە جاپپاي تانىمال بولدى.
پىكىر قالدىرۋ