پرەزيلەنت جارلىعىندا كەڭەس جاستارعا قاتىستى كەشەندى مەملەكەتتىك ساياساتتىڭ باسىم باعىتتارىن انىقتاۋ، ونى قالىپتاستىرۋ جانە ىسكە اسىرۋ جونىندە ۇسىنىمدار تۇجىرىمداۋ، پرەزيدەنتتى جاستار اراسىنداعى احۋال تۋرالى حاباردار ەتىپ وتىرۋ، مەملەكەتتىك جاستار ساياساتىن ىسكە اسىرۋ تيىمدىلىگىنە تالداۋ جاساۋ، مەملەكەت ساياساتىنىڭ جاستارعا قاتىستى وزگە دە ماڭىزدى ماسەلەلەرىن تالقىلاۋ سەكىلدى مىندەتتەر اتقاراتىنى ايتىلادى.

كەڭەس قۇرامى تومەندەگى سۋرەتتە ۇسىنىلعان.

كەڭەس قۇرامىنا بايلانىستى الەۋمەتتىك جەلىدە رەاكسيا تانىتىپ جاتقانداردىڭ پىكىرى ءارتۇرلى. ءبىرى باستامانى قۇپتاپ، "بارەكەلدى" دەسە، ءبىرى "ەلدىڭ بولاشاعى وڭكەي بلوگەر، ەرىكتى، شوۋمەندەر ەمەس، ەكونوميست، قارجىگەر، IT ماماندارىنداردا" دەپ جاتىر. كەيبىرەۋلەر بىتپەيتىن كەڭەس شارشاتقانىن جازۋدى.

قازاقستاندا قاندايدا ءبىر ماسەلە بويىنشا كەڭەس قۇرۋ ءۇردىسى بۇرىننان بار. قازىرگى ۋاقىتتا ۇلتتىق قوعامدىق سەنىم كەڭەسى ەلدەگى ساياسي رەفورمالاردى جۇزەگە اسىرۋ بويىنشا ۇسىنىستار ازىرلەۋمەن اينالىسادى.

كەڭەس باسشىلىعىمەن ساياسي پارتيالار تۋرالى، سايلاۋ تۋرالى، بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭدارعا وزگەرىس ەنگىزىلدى. ولارعا ساي، پارتيا تىركەۋ ءۇشىن قاجەتتى 40 مىڭ قول 20 مىڭعا تومەندەتىلدى. پارتيالىق سايلاۋ تىزىمىندەگى كانديداتتاردىڭ 30 پايىزى مىندەتتى تۇردە ايەلدەر مەن 29 جاسقا دەيىنگى جاستاردان قۇرالۋعا ءتيىس. پارلامەنتتىك وپپوزيسيا تۇسىنىگى ەنگىزىلدى. ميتينگتىڭ حابارلاۋ قاعيداتى قابىلداندى. اۋىل اكىمدەرىنىڭ سايلاۋى ءوتتى.

كوزقاراسى بيلىك ساياساتىنمەن ۇندەس ساراپشىلار جاڭا نورمالاردى دەموكراتيالىق جولعا تۇسۋدەگى ماڭىزدى قادامعا بالاسا، تاۋەلسىز ساراپشىلار نورمالار شىنايى ساياسي رەفورماعا باستامايتىنىن، "ساياسي رەفورما يميتاسياسى" عانا ەكەنىن ايتادى.