"ماريۋپول قالاسىنداعى پەرزەنتحانا مەن بالالار اۋرۋحاناسى رەسەي اۋە كۇشتەرىنىڭ سوققىسىنا ۇشىرادى" دەپ حابارلادى ۋكراينا باسپا ءسوز قۇرالدارى.
پرەزيدەنت ۆلاديمير زەلەنسكيي ادامدار قيراندىلار استىندا قالىپ قويعانىن ايتىپ، شابۋىلدى "اسكەري قىلمىس" دەپ اتادى.
شابۋىلدان كەمىندە 17 ادام جاراقات العانى حابارلاندى، ونىڭ ىشىندە قىزمەتكەرلەر مەن ناۋقاستار بار.
ماريۋپول بىرنەشە كۇننەن بەرى رەسەيلىك كۇشتەردىڭ قورشاۋىندا. بەيبىت تۇرعىندار قالادان كەتۋىنە مۇمكىندىك بەرۋ ءۇشىن بىرنەشە رەت اتىستى توقتاتۋ ارەكەتى ءساتسىز اياقتالعان.
ۋكراينانىڭ قىزىل كرەست وكىلى ولەنا ستوكوز بي-بي-سيگە: "بۇكىل قالا جارىقسىز، سۋسىز، ازىق-تۇلىكسىز قالدى، ادامدار شولدەن ءولىپ جاتىر" دەدى. ول قىزىل كرەست ەۆاكۋاسيا ءدالىزىن ۇيىمداستىرۋ ارەكەتىن جالعاستىراتىنىن ايتتى.
قالا مەرىنىڭ ورىنباسارى رەسەي بومبالاۋدى باستاعاننان بەرى قالادا كەم دەگەندە 1170 بەيبىت تۇرعىن قازا تاپقانىن جانە سارسەنبىدە ونداعى 47 ادام ورتاق قابىرگە جەرلەنگەنىن، ءبىراق بۇل ساندار راستالماعانىن ايتتى.
پىكىر قالدىرۋ