ۇلتتىق قاۋىپسىزدىك كوميتەتى مەملەكەتكە وپاسىزدىق جاسادى دەگەن ايىپ بويىنشا 15 ءىستى تەرگەپ جاتىر.
"بۇل ىستەر بويىنشا ۇقك بۇرىنعى ءتوراعاسى كارىم ءماسىموۆ پەن ونىڭ ءۇش ورىنباسارى سوت سانكسياسىمەن قاماۋدا وتىر. وسى ورگاننىڭ تاعى ەكى باسشىسى وكىلەتىن اسىرا پايلاندى دەگەن كۇدىكپەن قىلمىستىق جاۋاپكەرشىلىككە تارتىلدى. ۇقك ىستەرىنە ايرىقشا "اسا قۇپيا" بەلگىسى بەرىلگەن" دەيدى باس پروكۋرور بەرىك اسىلوۆ.
ونىڭ سوزىنشە، كارىم ماسىموۆكە 17 جىل باس بوستاندىعىنان ايىرۋ جازاسى ءتونىپ تۇر.
سونداي-اق ول الماتى قالاسى، الماتى، جامبىل، قىزىلوردا وبلىسى ۇقك دەپارتامەنتىنىڭ باسشىلارى وقيعا كەزىندە عيماراتتارىن قارۋىمەن قوسا تاستاپ كەتكەنىن، اتالعان دەرەكتەرگە بايلانىستى 7 قىلمىستىق ءىس قوزعالعانىن اتاپ ءوتتى.
