بەرىك ءۋالي زەينەتكەر دانيال احمەتوۆتى الماستىردى دەگەن اقپارات شىقتى

/image/2022/03/17/crop-21_23_1426x2536_00012.jpg

پرەزيدەنتتىڭ باسپا ءسوز حاتشىسى بەرىك ءۋالي شىعىس قازاقستان وبلىسىنا اكىم بولىپ تاعايىندالدى. بۇل تۋرالى كوپتەگەن تەلەگرام كانالدار جارىسا جازىپ جاتىر.

اقپارات ازىرگە راستالعان دا، تەرىستەلگەن دە جوق.

شىعىس قازاقستان وبلىسىن وسى ۋاقىتقا دەيىن دانيال احمەتوۆ باسقارىپ كەلگەن. زەينەتكەر شەنەۋنىك شىعىستاعى وبلىستى 8 جىل بويى باسقارعان.

بەرىك ءۋالي 1977 جىلى تۋعان. ت.ق.جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن كينوتانۋشى ماماندىعى بويىنشا، ءال-فارابي اتىنداعى قازاق ۇلتتىق ۋنيۆەرسيتەتىنىڭ ماگيستراتۋراسىن جۋرناليستيكا ماماندىعى بويىنشا، قازاق يننوۆاسيالىق گۋمانيتارلىق زاڭ ۋنيۆەرسيتەتىن قۇقىقتانۋ ماماندىعى بويىنشا بىتىرگەن.
 
ەڭبەك جولىن "تاڭ" تەلەارناسىنىڭ ءتىلشىسى بولىپ باستاپ، ءتۇرلى جىلدارى "31 ارنا"، "حابار"، "Qazaqstan" تەلەارنالارىنىڭ رەداكتورى جانە جۇرگىزۋشىسى بولىپ ەڭبەك ەتتى.
 
سىبايلاس جەمقورلىققا قارسى "نۇر مەديا" مەديا ورتالىعىن باسقارعان. وڭتۇستىك قازاقستان وبلىسى اكىمى اپپاراتى باسشىسىنىڭ ورىنباسارى، وقو ىشكى ساياسات جانە ءدىن ىستەرى  باسقارماسىنىڭ باسشىسى، جامبىل وبلىسىنىڭ ىشكى ساياسات باسقارماسىنىڭ باسشىسى بولدى.
 
2019 جىلى 22 ناۋرىزدا پرەزيدەنتتىڭ باسپا ءسوز حاتشىسى قىزمەتىنە تاعايىندالعان.
 
وقي وتىرىڭىز:
 
♦ بەرىك ءۋالي شقو-عا اكىم بولىپ تاعايىندالعانى تۋرالى اقپاراتقا بايلانىستى رەسمي دەرەك شىقتى

پىكىر قالدىرۋ

قاتىستى ماقالالار